طفلان حضرت مسلم علیه السلام
.
زبدة الاشعار
?: @nohe_torki
.
حاج اصغر فرشچی (عدلی تبریزی)
.
حارث قوناقووخ بیز
رحم ایله باخ خدایه
ئولدورمه وار قیامت
ظالم چاتار جزایه
.
ویرما بلالیوخ بیز
ائلدن آرالیوخ بیز
.
.
گوزلور وطنده ایندی بیرمهربان آنامیز
قالمور شهید ایدوبلر مسلم کیمی بابامیز
بی یاورو غریبوخ وار دیلده التجامیز
ویروخ قسم سنی بیز زهرایه مصطفایه
.
.
یثربده بیر باجیم وار قلبی دونوبدی قانه
هجران اودی سالوبدی درده گلوب فغانه
بلبل کیمی گل اوسته باشلوبدی بیر ترانه
قارداش دیلنده آغلار آهی چخوب سمایه
.
.
چوخ گزموشوخ توان یوخ زار وملول وخسته
بیرایل قفسده اولدوخ عنقای پرشکسته
مندن یاتاردی با هم بو قارداشیم یراوسته
رازو نیاز ایدردوخ الله مقتدایه
.
.
بیز قوش کیمی سیخلدوخ بوایوده چون بوداقه
هیچ میزبان تاپولمازظلم ایلسون قوناقه
آغلار قالوب آنامیز دوزمز بو قدر فراقه
بولسه ایکی گل یاس پرپر اولوب جفایه
.
.
باخ چشمه چشمه گوزدن بو گوز یاشیم رواندی
سیلی بسیمدی ویرماقلبیم دولوبدی قاندی
اولدورمه گل رها ایت رحم ایت بیزه اماندی
یثربده آل آنامون گویلون گلوب نوایه
.
.
هرنه دیدی یتیملررحم ایتمدی اوخونخوار
آیرودی باش لارین تا آلسون طلا و دینار
گل جسم لر آتولدی نحره اولوبدی گلنار
بیر قول بویون اولوبلار باخ غملی ماجرایه
.
.
حارث ایدوب جنایت بلبل لراولدی خاموش
باشسیز اولان بدنلر اولدی ندن هم آغوش
قالموبلا توپراق اوسته عریان اولوب کفنپوش
تاریخ دین ایدوب ثبت شیعه باتار عزایه
.
.
قولی اولمادی بدنده شه دین علی بالاسی
اولا قول بویون گلنده باشی اوسته دین فداسی
یتیشوب نه گوردی قارداش وارگوزونده اوخ یاراسی
دیدی قد خمیده اولدوم ولی تابعم قضایه
.
.
عباس آدیله (عدلی) چاتدی بو سوز تمامه
اولدی بو غملی نوحه ویرمه سوزی ادامه
ایسته براتی گلسون گیت قبرینه سلامه
نطقون گر اولسا گویا شکر ایله کبریایه
.
.
#سبک_احوالیمیز_یاماندی (بیش از 10 سبک)
پخش‌کننده صوت
#طفلان_مسلم
#حارث_قوناقووخ_بیز_رحم_ایله_باخ_خدایه
#عدلی_تبریزی
#ترکی
.
#زبدةالاشعار
?: @nohe_torki
: @nohe_torki . محمدرضامحمدی(ناعم) . “آهنگ: چو گیسوی تو من … گینه بیر هفته سایدیم … ” . یات ای غم غصه لردن دینجلن مظلوم آنام(بابام)وای بیزه خاطرجهانداغمبیشتر
نظر دهید