زبانحال حضرت رقیه(س)
.
.
کربلایی نوید آسال اردبیلی
.
.
ویروب خرابیه صفا بو راس انورون بابا
گلوب باشون هایاندا بس قالوبدی پیکرون بابا
گوزل بابا گوزل بابا
وفاده بی مثل بابا
.
.
وصال یاری گوزلرم اوز عهدیمه وفالیام
منه بویور بو مطلبی جهاندا من هارالیام
حجازیم دمشقیم و یا کی کربلا لیام
هارانی منزل ایلیر حیالی دخترون بابا
گوزل بابا گوزل بابا
وفاده بی مثل بابا
.
.
منه شمادت ایلیور بو اهل بی وفای شام
اورک قانی اولوب منه غذای صبح و عصر وشام
آپار گیدنده دای منی بابام جانی داریخمیشام
آلوب منیم توانیمی عدوی کافرون بابا
گوزل بابا گوزل بابا
وفاده بی مثل بابا
.
.
دوشنده ناقه دن دیدیم بی بی دایان دایانمادی
ویراندا زجر دون منی دیدیم اوتان اوتانمادی
دیمه یاناندا خیمه لر قیزون او اوتدا یانمادی
اولوبدی هر غمیم منیم مثال مادرون بابا
گوزل بابا گوزل بابا
وفاده بی مثل بابا
.
.
ایدوب جهانی دل غمین ملال و محنتیم منیم
اولوبدی لعل لبلرون وصال ، شربتیم منیم
ایله ویروبدی زجر دون گوگردی صورتیم منیم
منی نگاره چاتدیرار بو قانلی لبلرون بابا
گوزل بابا گوزل بابا
وفاده بی مثل بابا
.
.
یوباندی گلمدی نیه منیم بابا قوناقلاریم
تیکانلار اوسته قاچمیشام قابار اولوب ایاقلاریم
اوپنده گول بوغازووی قانا باتوب دوداقلاریم
ایدوب جنان خرابه نی جمال اطهرون بابا
گوزل بابا گوزل بابا
وفاده بی مثل بابا
.
.
قلم یازار حزین حزین بلا و غصه حدینی
سوکوبدی سیل دردو غم جهاندا صبر سدینی
نجه نشان ویروم سنه قولومدا قمچی ردینی
قالوب نه حاله گور سنون سه ساله دلبرون بابا
گوزل بابا گوزل بابا
وفاده بی مثل بابا
.
.
منه بویور گوزل بابا وفالی ایللر هاردادی
منیم آتوبدی داشیمی یارالی اکبر هاردادی
دیمور اقللی قارداشیم عزالی خواهر هاردادی
دئنن یاتور خرابه ده عزیز و یاورون بابا
گوزل بابا گوزل بابا
وفاده بی مثل بابا
.
.
بابا باشینا سینه ده دئنن مکان ویرور گجه
آلوبلا گوشواره سین یاراسی قان ویرور گجه
دینن علی اکبره رقیه جان ویرور گجه
گوزومی تا کی باغلاسون علی اکبرون بابا
گوزل بابا گوزل بابا
وفاده بی مثل بابا
.
.
#حضرت_رقیه #آسال_اردبیلی #حضرت_رقیه_شهادت #ترکی #زبدةالاشعار
نظر دهید