زبدةالاشعار

حجاب عاشق و معشوق پردۀ جاندور #شب_عاشورا_دخیل

عصر تاسوعا
.
✍️ #زبدةالاشعار ✍️
.
🆔: @nohe_torki
.
مرحوم دخیل
.
حجاب عاشق و معشوق پردۀ جاندور
او پرده نی گوتورن تیغ تیز برّاندور
.
نقدر حفظ دعاسی یانوندا ساخلیاسن
آچوب او خطّی یووان پاک قرمزی قاندور
.
عبث عبث چالشوب چکمه غمگهه جانی
نقدری ساخیلیاسن آخرنده قرباندور
.
گلر گلنده خبر سیز جناب عزرائیل
بیله خیال ایده سن قالبونده پنهاندور
.
ویرن اوزی آلاجاق بیر زمان امانتنی
اگر امانتی جنس ایله سن نه ایماندور
.
نه چونکه مؤمنه بیر موت واردی بیر قتله
یازوبلا آل محمّد صحیح، فرماندور
.
اولان بو دهرده مقتول فی سبیل الله
ایکمجی دورده رجعتدی امری آساندور
.
نجه که گوردیله اصحاب سیدالشهداء
نجاتی جان ویره نون گون کیمی نمایاندور
.
اوخولّا آدلارینی مسجد و منابرده
که پاره پاره بدن، حزب حزب قرآندور
.
مثل سفینۀ نوحه علیدی، آل علی
یاپوش غم ایتمه که عالم تمام طوفاندور
.
او وقتی یادیوه سال وقت عصر تاسوعا
قوشون گلولّه، عیال حسین هراساندور
.
اویاندا هلهله و هایهوی عرشه چخار
بویاندا فاطمه گریان سکینه نالاندور
.
بویوردی حضرت عبّاسه سرور مظلوم
قلج الونده که میراث شاه مرداندور
.
دیدم که ایله پراکنده سن بو جمعیتی
ولیک زینبه باخ گور نجه پریشاندور
.
صدای طبل و دهلدن اورکلری دؤگونور
خصوص خورداجا قیزلار چو بید لرزاندور
.
صلابتیله دئ گورسونله واردی عبّاسیم
الی على الیدور مثل شیر یزداندور
.
یازوبسوز اون ایکی مین نامه دعوت ایلمسوز
گلوب قوناق بو گیجه صبح اولونجا مهماندور
.
بویور که بو گیجه ئولدورمیون قوناقلاروزی
صباح، جمله بو جانلار فدای جاناندور
.
«دخیل» نوکریمیز دور بیزه امان گتوروب
گناهی چوخدی ولی قلبدن پشیماندور
.
.
#شب_عاشورا_دخیل
#تاسوعا #عصر_تاسوعا
#حجاب_عاشق_و_معشوق_پرده_جاندور
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دوتوب شهادته رأیون قرار علی اکبر #اکبریه_حقیر_خویی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی