زبانحال حضرت رقیه (س) در خرابه شام
.
✍️زبدةالاشعار✍️
.
🆔: @nohe_torki
.
محمد حسین کتابچی ( علومی تبریزی )
.
قالدی خرابه یرده
قارداش باجون رقیه
دائم توکر عذاره
قانیاش باجون رقیه
.
.
ای گول جمالی رشک گلزار ملک جنت
قالدیم خرابه لرده اوُل گول جماله حسرت
هر دم دوشنده یاده یثربده کی جلالت
دائم توکر عذاره قانیاش باجون رقیه
.
.
گل بیر خرابه یرده ابراز شفقَت ایله
چوخ اینجیوبدی باجون بیر دم محبت ایله
بیمار عشقیوم گل باری عیادت ایله
دائم توکر عذاره قانیاش باجون رقیه
.
.
هر یرده آدویله من زاره سرسخن سن
دوشمز ادون دیلیمدن مرآت انجمن سن
آخر سالان فراقه من بینوانی سن سن
دائم توکر عذاره قانیاش باجون رقیه
.
.
.
اولسان منیله بیر دم گر هم نفس برادر
بو بزمی مقدمونله ائتسن اگر منوَّر
ائتمز عوض بهشته ویرانه نی بو مضطر
دائم توکر عذاره قانیاش باجون رقیه
.
.
.
اما گیلیلیَم چوخ سندن منِ پریشان
اولدوم اسیر شمره چکدیم ملال هجران
بیر گلمدین گوریدون ائتدیم نقدری افغان
دائم توکر عذاره قانیاش باجون رقیه
.
.
.
ائتسن اگر تفحُّص بیمار قارداشندان
یوخ بیر نفر انیسی محنت یاغور باشندان
شام اهلی تنگه گلدی هر لحظه گوز یاشندان
دائم توکر عذاره قانیاش باجون رقیه
.
.
.
شام ایچره آل طاها ظلمه دچار اولوبلار
گوز یوللارا تیکوبلر چوخ انتظار اولوبلار
پیمبرین عیالی غربتده خوار اولوبلار
دائم توکر عذاره قانیاش باجون رقیه
.
.
.
قویدوم یارالی نعشین دشت بلاده گلدیم
گوردوم یارالی باشون نوک جداده گلدیم
گلدیم بو شامه اما قارداش پیاده گلدیم
دائم توکر عذاره قانیاش باجون رقیه
.
.
بو آرزو واریمدی بیر گول یوزووی گورَّم
اما سنی گورونجه ساغ قالمارام من ئولَّم
علت اودور بو یرده نی تک نوایه گلَّم
دائم توکر عذاره قانیاش باجون رقیه
.
.
آغلا «علومی» دائم بو ماجراده آغلا
ذکر ائت رقیه آدون اشکین عذاره باغلا
بو نوحه نی مکرَّر ذکر ایله سینه داغلا
دائم توکر عذاره قانیاش باجون رقیه
.
.
.
.
#سبک_احوالیمیز_یاماندی … بیش از 10 سبک
.
#سبک_ای_اکبرین_مارالی
با اضافه کردن واگیر مناسب
((قارداش ، باجون یامان گونه قالیبدی
غم غصه لر ، صبرین الدن آلیبدی ))
.
.
.
#حضرت_رقیه_شهادت
#قالدی_خرابه_یرده_قارداش_باجون_رقیه
#علومی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید