حسینه آدم آغلار عالم آغلار #حسینیه_غمکش

شهادت حضرت امام حسین (ع)
رجز روز عاشورا
..
..
..
مرحوم غمکش
..
..
..
حسینه آدم آغلار ، عالم آغلار
علی آغلار ، رسول خاتم آغلار
خانم زهرا حسینیم وای دئینده
یئر آغلار منبر آغلار پرچم آغلار
حسینیم وای ، حسینیم وای ، حسینیم
..
..
..
..
حسینه جان عاشقلر فدادی
اونا مدفن زمین کربلادی
جهان هجر حسینده مبتلادی
بو مولا لنگر و ارض و سمادی
دئیر عیسی حسین وای مریم آغلار
یئر آغلار منبر آغلار پرچم آغلار
حسینیم وای ، حسینیم وای ، حسینیم
..
..
..
..
حسین قیمت وئروبدی ماسوایه
قدم قویدی او گون که کربلایه
دولان کعبه کیمون دور لوایه
وورار سینه اولار کی محکم آغلار
یئر آغلار منبر آغلار پرچم آغلار
حسینیم ، وای حسینیم وای ، حسینیم
..
..
..
..
چکوبدی ال او گون که اکبریندن
او مولا قاسم نام آوریندن
اوجا قامت وزیر و لشگریندن
اونا هم کوثر و هم زمزم آغلار
یئر آغلار منبر آغلار پرچم آغلار
حسینیم وای ، حسینیم وای ، حسینیم
..
..
..
..
بویوردی دین و قرآن زنده قالسون
گرکدی نهضتیم عرشه اوجالسون
منی تپراقه قوم کینه سالسون
آخار گوز چشمه ساری نم نم آغلار
یئر آغلار منبر آغلار پرچم آغلار
حسینیم وای ، حسینیم وای ، حسینیم
..
..
..
..
حسین سیز عالم و آدم فنادی
حسین سیز دل جهاندا مبتلادی
حسین سیز حنّت حتّی بی صفادی
اونا یعنی طبیب و ملحم آغلار
یئر آغلار منبر آغلار پرچم آغلار
حسینیم وای ، حسینیم وای ، حسینیم
..
..
..
..
شه مشکل گشادی یاز (رضائی)
علی اوغلی آقادی یاز (رضائی)
اونا هامی گدادی یاز (رضائی)
غمینده شیعیانی هردم آغلار
یئر آغلار منبر آغلار پرچم آغلار
حسینیم وای ، حسینیم وای ، حسینیم
..
..
..
..
#حسینیه #غمکش #حسینیه_شهادت #ترکی #زبدةالاشعار