زبانحال حضرت زینب سلام الله علیها در اربعین
.
.
مرحوم سید حسین رجایی تبریزی
.
.
دور حسینیم بو سفرده حقّی اثبات ایلدیم
دشمنی بیر آتشین نطقمله اسکات ایلدیم
.
.
آیریلان گوندن بو صحرادن قالوب آغلار گوزوم
بیر اوزون مدّتدی سن سیز گولمیوب قارداش یوزوم
هر بلا گلدی دیدیم دورّام دایانّام یوخ سوزوم
صبر قیلدیم صبرله دفع مهّمات ایلدیم
.
.
نه دیوم نه چکموشم سنسیز من خونین جگر
کوفه و شاماتی حیران گزموشم شام و سحر
قیزلارا قمچی دگنده سینمَی ایتدیم سپر
اهل بیته هر مصیبتده مواصات ایلدیم
.
.
باشوین عشقی ووروب دور باشمه دوشدوم چوله
دینمون اِحیاسی اوسته سنله ویردم اَل، اَله
کوفه ده قرآن سسون آلدی اَلیمدن حوصله
اَبر ایچینده شمسدن کسب کمالات ایلدیم
.
.
نیزده باشون دالینجا گیتموشم بازاره من
مجلس شُرب و قماره تاپمادیم بیر چاره من
آیریلانموردوم باشوندان باخمادوم اَغیاره من
اهل شرک و باطله حق دینی مرآت ایلدیم
.
.
مجلسه وارد اولان وقته عیال مصطفی
قولّاری باغلی قالوب بیر گوشهده آل عبا
بزم عشرت چیده ایتموشدی یزید بی حیا
افتخار ایلوردی من بدره مکافات ایلدیم
.
.
آختاروردی بیر به بیر اشیاخ بدری اَلده جام
سسلنوردی کاش اولِیدوز مجلسیمده خاصّ و عام
آلموشام پیغمبر اوغلوندان گورِیدوز انتقام
زینبه بو انتقامیله مباهات ایلدیم
.
.
هنده نون اوغلی چراغ عدلی خاموش ایلدی
خیزران آلدی اَله حقّی فراموش ایلدی
کاسۀ صبریم داشوب قارداش حسین جوش ایلدی
باشلادوم بیر نطقله حفظ شئونات ایلدیم
.
.
گوردوم اَل چکمور زنازاده جفا و ظلمدن
خلق ایچینده ایستدوم سّری اولا فاش و عَلَن
سسلدیم ظالم دایان، وار مجلسونده شیرزن
بیر رشادتله دوروب شرح و بیانات ایلدیم
.
.
مجلس اهلی بیر بیره دگدی قاریشدی سس سسه
اجنبی لردن طرفدار اولدولار من بی کسه
ایش یتیشدی بیر یره جلّاد گلدی مجلسه
قوخمادیم باک ایتمدیم تقریر آیات ایلدیم
.
.
مجلسون اوضاعی پوزموشدی منیم احوالیمی
نامناسب سوز دانیشدی توکدی اشک آلیمی
دشمنه ایتدی اثر پوزقون گورنده حالیمی
دین اسلامه هدایت خلقی کرّات ایلدیم
.
.
خوردا قیزلار مجلسه بیر شور و شیون سالدیلار
دوردولار من بیکسی جلّاد الیندن آلدیلار
گور حسینیم آل پیغمبر نه حاله قالدیلار
جانمی دین اوسته مشمول بلیّات ایلدیم
.
.
بو سفرده درد و محنت یوز منه هر آن ویروب
گونده بیر تازه مصیبت گردش دوران ویروب
هر غممدن چوخ، بالام ویرانه یرده جان ویروب
گوشۀ ویرانه نی مصباحه مشکات ایلدیم
.
.
بیر گیجه گوردوم سنی چوخ آختارور آغلور گوزی
یاتمور آغلور آنلادیم وار دور اروکده بیر سوزی
کشف ایدوب گوردوم قوری یر دور یری آج دور اوزی
قویمادیم یرده یاتا حالین مراعات ایلدیم
.
.
باغریما باسدیم دیدیم فکر و خیالون باشدان آت
ئولمیوب عمّون هله دور گَل قیزیم سینمَده یات
توکدی اشکین سسلدی ای عمّهجان هیهات و هات
من فراق اکبریله صرف اوقات ایلدیم
.
.
افتخار ایلر باجی قارداشله یولداشنه
جاننی ایستر فدا ایتسون جوان قارداشنه
باجنون قارداشی گر ئولْسه کول اولدی باشنه
ذکریم اکبر ئولندن هات و هیهات ایلدیم
.
.
اکبرین فکرین ئولونجه من باشیمدان آتمارام
گلسه قارداشیم اگر ویرانه ده تک یاتمارام
حسرتیم امّا قالور سینمده وصله چاتمارام
آز قالور جان تاپشورام بسکه خیالات ایلدیم
.
.
آغلادوخ قارداش بالاسیله ز بس ویرانه ده
هامّی دوردی منله اولدی هم نفس ویرانه ده
نصف شبده عرشه اوج ایتدی بو سس ویرانه ده
عمّه جان ایمدی بابامدان من ملاقات ایلدیم
.
.
شیونه ناگه اویاندی هر طرفدن اشقیا
یولّادی ویرانیه باشون یزید بیحیا
قانلی باشون آلدی قارداش باسدی جان تک باغرینا
عرض ایدوب سندن اوتور حقّه مناجات ایلدیم
.
.
هاردا قالموشدون بابا جان من یتیمی دوگدولر
سوگلیدیم من سنه دشمنلریمده بولدرولر
قلبیمی هجر آتشیله یاندروب ئولدوردولر
شکر اولا جان اوسته بیر جبران مافات ایلدیم
.
.
ای «رجائی» خدمت ایله صدق اوزیله زینبه
صدقله اولسا عمل نایل اولارسان مطلبه
حشرده جدّون یانندا فخر ایله بو منصبه
عرض ایله جدّا سنه تنظیم ابیات ایلدیم
.
.
#اربعین #رجایی_تبریزی #ترکی #زبدةالاشعار
نظر دهید