حضرت مسلم ابن عقیل (ع)
.
✍️ زبدة الاشعار ✍️
?: @nohe_torki
.
حاج محمّد تقی جابری
.
حسین ای آیت سبحان اماندی کوفیه گلمه
بو کوفی لرده یوخ ایمان اماندی کوفیه گلمه
.
بو قوم رذل و بد فطرت قوناقه ایلمور حرمت
ایدولّر ظاهراً بیعت اماندی کوفیه گلمه
.
حسین بو قوم کین پرور الینده نیزه و خنجر
آلوبلار دوره می یکسر اماندی کوفیه گلمه
.
آلوبلار تیغیمی الدن سالوبلار شیریوی دلدن
اوزاقه دوشموشم ایلدن اماندی کوفیه گلمه
.
ایدوبدی امر بیر دجّال یول اوسته قازدیلار گودال
بو کوفی لر اولوب افغال اماندی کوفیه گلمه
.
یتیشدی دشمن آماله دوشنده من او گوداله
یانان اولموب او احواله اماندی کوفیه گلمه
.
منی هر بیر یتن ووردی کناریمدن گیچن ووردی
گلن ووردی گیدن ووردی اماندی کوفیه گلمه
.
نه واردی یار و یولداشیم قان اولدی گوزده گوزیاشیم
کسیلسون آز قالور باشیم اماندی کوفیه گلمه
.
اُلم گر آغلینیم یوخ سینه سین داغلینیم یوخ
گوزیمی باغلینیم یوخ اماندی کوفیه گلمه
.
نه قیدیمه قالان واردی نه بیر یاده سالان واردی
نه گوگلیمی آلان واردی اماندی کوفیه گلمه
.
آدون دلده وارام واردی بدنده چوخ یارام واردی
هارا گیدوم هارام واردی اماندی کوفیه گلمه
.
الا ای عالمه سرور عزیز جان پیغمبر
کناروندا علی اکبر اماندی کوفیه گلمه
.
اگر گلسه او مه سیما یتر قتله او دل آرا
دوشر صحرالره لیلا اماندی کوفیه گلمه
.
حسن وَش قاسم زیبا اگر گلسه جواروندا
توکلّر قانینی اعدا اماندی کوفیه گلمه
.
بو کوفی لرده یوخ مولا وفادن بیر اثر اصلا
ابوالفضلون رکابوندا اماندی کوفیه گلمه
.
حذر قیل مکر دشمندن ابوالفضلی آلار سندن
سالار قولّارینی سندن اماندی کوفیه گلمه
.
بو گلماقلیقدا وار مطلب نه مطلب، مطلب اصعب
اسیر شمر اولار زینب اماندی کوفیه گلمه
.
دوشر چوخ رنج و آلامه یتیشمز دردی اتمامه
قولی باغلی گیدر شامه اماندی کوفیه گلمه
.
بو کوفه اهلی سرتاسر اولوبلار خصم پیغمبر
قوجاقوندا علی اصغر اماندی کوفیه گلمه
.
گر اولسا یا حسین امکان گتورمه اصغری، عدوان
وورالّار حلقینه پیکان اماندی کوفیه گلمه
.
رباب آغلار دیر ایوای سود امین بالام ایوای
ئولونجه سسلنر وای وای اماندی کوفیه گلمه
.
ایدوبدی مونسی ایما قیلوبدی جابری انشا
بیله نوحه بو مضموندا اماندی کوفیه گلمه
.
#سبک_علی-اصغر_مه_انور (8 سبک)
.
#مسلمیه
#حسین_ای_آیت_سبحان
#جابری_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید