اربعین
.
✍️ #زبدةالاشعار ✍️
.
🆔: @nohe_torki
.
حاج علی جعفری زنجانی
.
#سبک_علی_اصغر_مه_انور ( 8 سبک سینه و زنجیر) … منیم ای تشنه قربانیم… ئوزوم گوردوم …
.
حسین ای شاه مظلومان
آدین قربان آدین قربان
ائدوبسن عالمی گریان
آدین قربان آدین قربان
.
.
.
غمینده حشراولور برپا سنه آغلارآنان زهرا
شبیه حضرت یحیی حسین ای فخر مافیها
محال امریدور یادّان چخااول گوردوگوم غوغا
اوخوردون نیزه ده قرآن آدین قربان آدین قربان
.
.
.
گلوبدی شامیدن زینب دوتوبدور اربعین قارداش
مطاف روح زینبدور مزار اطهرین قارداش
ئوزوم دفن ائتمدوم گئتدوم یارالی پیکرین قارداش
گئدیردوم شامه سرگردان آدین قربان آدین قربان
.
.
.
بوچولده عترت اطهار اولوبدور قبریوه زوّار
هانی عباس علمدارون حسین ای سرور ابرار
جفای قوم کافردن ائدم اول سروره اظهار
ئوزون آگاه جریانسان آدین قربان آدین قربان
.
.
.
گوروردون نیزه ده قارداش یتیشدی کاروان شامه
ورولدی نیزیه باشلاراولوب بیر آیری برنامه
دیوبلرخارجی گلدی اهانت اولدی اسلامه
ئولیدی آل بوسفیان آدین قربان آدین قربان
.
.
.
بلا دریاسی موج ائتدی سبوی صبریمیزدولدی
قشون طبل فرح چالدی نه قدری ازدحام اولدی
قالوبدور ناقه اوستونده رقیه گل کیمی سولدی
ائدیردی نی کیمی افغان آدین قربان آدین قربان
.
.
.
قارامعجرسپاهیلن باجون شامی گئدوب آلدی
رقیم آه سردیلن یزیدی تختیدن سالدی
منی بطحایه گوندردی ئوزی ویرانه ده قالدی
اولوب شام اهلینه مهمان آدین قربان آدین قربان
.
.
.
ائدوب آوارهٔ دوران منی بو قبر ششگوشه
اورکده آتشیم سونمز نه قدری آلسام آغوشه
نولور بو خاک اطهردن باجون اخذایلوری توشه
اولا تا دردینه درمان آدین قربان آدین قربان
.
.
.
هانی ای باغبان آخر گلستاندا گل پرپر
باجین گهواره سین گتدی اویات دیسگینمسین اصغر
هانی اکبرهانی قاسم هانی عباس نام آور
گلوبدی عمه سی نالان آدین قربان آدین قربان
.
.
.
سنون بوچولده که لشکرباشیوی کسدیلر دالدان
سن ائتدون عهدیوه ایفا باجوندا سنله هم پیمان
من اولدوم حافظ معجرسن اولدون حافظ قرآن
بونهضت اولدی جاویدان آدین قربان آدین قربان
.
.
.
بوطولانی اسارتده نه قدری شامیده قالدیم
او خونخوار ستمگردن اوقانلی کوینگین آلدیم
اونی چون ترمهٔ زیبا مزارین اوستونه سالدیم
سپوم گوزدن گلاب الان آدین قربان آدین قربان
.
.
.
#اربعین_جعفری_زنجانی
#حسین_ای_شاه_مظلومان
#ترکی
.
✍️ #زبدةالاشعار ✍️
.
🆔: @nohe_torki
نظر دهید