اربعین از زبان حضرت زینب (ع)
.
✍️ #زبدةالاشعار ✍️
.
🆔: @nohe_torki
.
مرحوم حاج رضا صراف تبریزی
.
حسین جور و جفای اشقیادن من دئیوم، یاسن؟
اوزون آگاهسن هر ماجرادن، من دئیوم، یاسن؟
.
.
صباح وصل دور ال ویرمارام کیفیت شامه
یقینیمدور دیسم، آخشام اؤلونجه یئتمز اتمامه
دیمم شام ایچره گئتدیم سر برهنه مجلس عامه
باخوب گؤردون، یزید بی حیادن من دئیوم، یا سن؟
.
.
جدا باشیندا گؤردوم باشیوی باشدان من کول باش
ال آتدیم باشیمه اوندان سورا تؤكدوم یوزه قانیاش
باشین آردینجا گئتدوم باش آچوق سایه کیمی بیرباش
او یولدا چکدیگیم درد و بلادن، من دئیوم، یا سن؟
.
.
منی سندن صورا شمر ستمگر دستگیر ائتدی
آپاردی شهر شامه مقصد و مقصودینه یئتدی
اؤزوم ویرانه ده هر درد و غم چکدیم کئچوب گئتدی
سکینه سرگذشتین ابتدادن من دئیوم یاسن؟
.
.
زمانه زینبه هر دؤرده بیر کاسه قان وئردی
دویونجان آغلیام، دشمن منه هاردا امان وئردی
أوزون گؤردون بالان ویرانه لر کنجنده جان وئردی
او حالتدن، او بزم غم فزادن من دئیوم یاسن؟
.
.
او گوندن کیم خزان اولدی گولوم، گلشندن آیریلدیم
نئجه ایمن یاتاردوم وادی ایمندن آیریلدیم
بو متده اوزاق یولدا نه من بیر سندن آیریلدیم
نه سن اولدون جدا هرگز جدادن، من دئیوم، یا سن؟
.
.
محبت عالمینده سن منیم آرامیمی آلدون
اسیر و دستگیر ائتدون بئله صحرالره سالدون
خرابه کوفه ده خولی ائوینده سن قوناق قالدون
ائله ائودن، ائله مطبخ سرادن، من دئیوم، یاسن؟
.
.
شراب وصلیلن اکبر آناسی بئیله سرخوشدور
دولوب اكبر خیالیلن وجودی لیلیدن بوشدور
حیا ائیلر اؤزی، درد دلین من عرض ائدیم خوشدور
ولی حال شبیه مصطفادن، من دئیوم، یا سن؟
.
.
اگر تقریر ائدم کیفیتِ دیر نصارانی
گتوررم ناله یه دوردمجی گوگده روح عیسانی
کئچوب گئتدی او، اما ایندیه باشون آخار قانی
او ملعونه ویران سنگ جفادن، من دئیوم، باسن؟
.
.
گوروم ابن زیادین بزم عیشی تار و مار اولسون
دئمم نئیلردی، اما هر ایکسی دنیاده خوار اولسون
پیمبر عترتی، كفار ایچی، اسلامه عار اولسون
نه جدّیندن اوتاندی نه خدادن، من دئیوم، یاسن؟
.
.
اگر چه نوحه صراف اربعینه ایل به ایل یازدون
دیلون لال اولماسون امّا بو ایل بیر اؤزگه دیل یازدون
یازاندا متّصل گؤز یاشی تؤكدون، متّصل یازدون
بوتون سرّی سؤال اولسا رضادن، من دئیوم، یا سن؟
.
.
#اربعین_صراف_تبریزی
#حسین_جور_و_جفای_اشقیادن_من_دئیوم_یا_سن
#ترکی
.
✍️ #زبدةالاشعار ✍️
.
🆔: @nohe_torki
نظر دهید