ماه محرم
.
✍️ #زبدةالاشعار ✍️
.
🆔: @nohe_torki
.
تیموری اردبیلی
.
گنه حقیقی عزاداره دل نواسی گلور
گئیون بوغمده قرا دردوغم هواسی گلور
.
ووروللا قاره علم مسجد و مناره لره
بیلیندیرور بو سببدن حسین عزاسی گلور
.
حسینچیلر اولار آماده سینه داغلاماقا
دوباره دشت بلادن حسین صداسی گلور
.
وصال دلبر و دلداره چاتماقا باهم
منای عاشقه یتمش ایکی فداسی گلور
.
قباقدا سید و سالار امیر لشکردی
دالیجا قافله سالار کربلاسی گلور
.
صاقیندا حیدرثانی صولیندا شبه رسول
وزیر قافله نین الده وار لواسی گلور
.
دیارعشقیده تلّ اوسته چیخمامیش زینب
کجاوه اوسته باخور دیلده وار دعاسی گلور
.
باخاردی حسرتیله لیلی اکبرین بویونا
چکردی آهی اورکدن کی مه لقاسی گلور
.
سو اولسا شیونه گلمز یقین گجه صود امر
ربابین اللری اوسته سوسوز بالاسی گلور
.
عروس قاسم هله باشه سالمیوبدی قرا
سریّه فخر ائلیور چونکه دلرباسی گلور
.
واریدی قافله سینده حبیب تک سردار
یولوندا قانه باتان یار باوفاسی گلور
.
یازار بومطلبی دیوان غمده تیموری
کی یعنی اهل غمین شافع جزاسی گلور
.
.
#ورود_محرم #علی_تیموری
#گنه_حقیقی_عزاداره_دل_نواسی_گلور
#ترکی
.
✍️ #زبدةالاشعار ✍️
.
🆔: @nohe_torki
.
نظر دهید