زبدةالاشعار

عقیل بیر گونی مولانی گوردی ناراحت #حضرت_ام_البنین_غمکش

ازدواج حضرت علی(ع)با حضرت امّ البنین(س)
.
✍️ زبدة الاشعار ✍️
.
🆔: @nohe_torki
.
مرحوم حاج عبداله رضایی« #غمکش »
.
عقیل بیر گونی مولانی گوردی ناراحت
سلام ایدوب صورا عرض ایلیوبدی اُول ساعت
.
ندور دلیلی آقا ناگرانیسن بو قدر
ایدوبدی هانسی غمین یاره سی اورکده اثر
سوزون وار ایله بیان قارداشون ئولوبدی مگر؟
سنون یولوندا فدا اولماقین چوخ ارزشی وار
علیدی شمس ولایت عیاندی تابیشی وار
.
.
بویوردی حضرت حیدرعقیله جریانی
دینمورم سوزی واضح حیا اولور مانی
حسینه فکر ایدورم من بو عترتین جانی
نه سرّی واردی اونا جبرئیل ایدوبدی بیان
بنی کلاب ایوینه گون چالوبدی قارداش اینان
.
.
او ایوده واردی خانم قیز نجیبه دور گویا
گیت ایله ایلچی‌لیک اوندان مَنه بودم امّا
ولی دونور باشیما خانه غم زهرا
لیاقتی اولا حتماً جوابی مثبت اولار
خدا عنایت ایدر غرق پر محبت اولار
.
.
غرض عقیل ایدوب امر امامه استقبال
بنی کلاب درو درگهین چالوب هر حال
او منزل اهلی گوروبدی اونی آچوب پرو بال
دایاندی پرده دالیندا ایشیتدی ام بنین
گلوبدی قاصد اقبالی ایلیوب وصفین
.
.
بیلوب عروس اولاجاق منزل توّلایه
توکّل ایتدی اولّده خدای یکتایه
توسّل ایلدی دیلدن به فوری زهرایه
دیدی گیدوب او ایوه گونده اشک ریز اولّام
خدا گر ایستسه من زینبه کنیز اولّام
.
.
نه گوردی ایتمدی اوّل قبول آتا آناسی
چیخبدی پرده دالیندان باشوندا وار هواسی
اوجالدی یاره لی دیلده خانمون آغلاماسی
دیدی آتا آنا ردّ ایتمیون تقاضانی
سیز احترام ایلیون ساخلیون بو مهمانی
.
.
عقیله حرمت ایدون سیز دوشون قدملرینه
قولاق ویرون سیز اونون دقّتیله سوزلرینه
سلام اولا بو عقیلون ئوزونه رهبرینه
گیچن گیجه یوخوما شمسیله قمر گلدی
بو گون بو منزل اقباله خوش خبر گلدی
.
.
کنیز فاطمیم من عروس بختورم
علی سیز عالمی الله بیلور کی ایستمرم
اونون ایاقلارینون تپراقین گیدوب اُوپرم
علی ایوینده حسن گلشن ولایتدی
حسین فاطمه دریای علم و حکمتدی
.
.
حسینه خدمت ایدوب قلبیمه صفا آلارام
عنایت ایلیه مولا بهشته یول سالارام
قدملرون ئوپرم زینبون اویاق قالارام
گلوب اوگون یتشوب نیتی اله گلدی
عروس حضرت مولا اودم دیله گلدی
.
.
دیدی گرک بویانان درگهی زیارت ایدم
صورا بو منزله وارد اولام اطاعت ایدم
هایاندادی خانیموم زینبیم ارادت ایدم
دوشم قدملرینه یا علی او خونجگرین
ایدم بو گوزلریمه توتیا او خاک درین
.
.
حمایتون عَلمی اوندادی اَمیر عَرب
یانور دلیم هیچ ئوزوم بیلمورم ندور مطلب
دایانمادی اونا گلدی قاباق خانم زینب
رضایتین خانم ایتدی عیان او یرده یقین
یاپشدی زینب الیندن ئوپوبدی امّ بنین
.
.
شرار عشقیده پروانه تک آلیشدی خانم
فقط بیلور اُونی الله نلر دانیشدی خانم
عزا وجودینی آلدی یانوب چالیشدی خانم
رها اولوب غم اوخی بیر زمان ایوین یخدی
مصیبتی چوخالوب قلب زارینی سیخدی
.
.
دگوبدی غم اوخی سرمایه‌سی تالان اولدی
آلیشدی سینه سی اعضاسی ناتوان اولدی
صولوبدی گلشنی گلزاری تیز خزان اولدی
«رضائی» حقّه گوره جان ویروبدی جانانه
بیر عُمری گوز یاشی توکدی او تشنه قربانه
.
.
دیوردی اوغلی حسین گُللری سولان ننه وای
جهاندا غملری چوخ باغریقان اولان ننه وای
نواسی عرشه چخان درگهی یانان ننه وای
دیوردی حقه طرف دوتدوقون یولا قربان
حسینون ای آناجان بو سینان قولا قربان
.
.
#حیدریه_ازدواج
#حضرت_ام_البنین
#عقیل_بیر_گونی_مولانی_گوردی_ناراحت
#زمزمه_های_محرم_غمکش
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  مجنونوام گولر علی فرزانه لر منه #راه_شام_فیروز_جوانشیر

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی