وصیت حضرت زهرا به امیر مؤمنان
#گریز #قتلگاه
.
✍️ #زبدةالاشعار ✍️
.
🆔: @nohe_torki
.
#سبک_ای_آسمان_غمون
مشابه
.
مرحوم عاصی تبریزی
.
حقون عم اوغلی منه ایله حلال ئولورم
وار فرصتیمجه منیم الده مجال ئولورم
(( زهرایه فلک آغلار
دریاده سمک آغلار
انسان و ملک آغلار
علی جانم ))
.
.
دیز اوسته آل باشیمی سیل قانلو گوز یاشمی
کامونجه گور منی قیل ترک وصال ئولورم
.
.
بو آیریلیق غمنون نسگلی عالمی وار
دنیاجه ئلماقیمون بولّم سنه غمی وار
قلبنده فاطمه نون چوخ درد مدغمی وار
تاپمش اودور جریان بو اشگ آل ئولورم
.
درد و غم و محنیم حدّ کماله یتوب
عمروم گونی دولانوب وقت زواله یتوب
باشه گلوب اجلیم هنگام ناله یتوب
دوشمز دوباره اله بیله مجال ئولورم
.
.
چکدون عم اوغلی منیم چوخ رنج و زحمتمی
ج ان و دلیله قبول ائتدون اذیتمی
آل باشیمی دیزیره ایلوم وصیتمی
گوئلمدن ایله گیلن دفع ملال ئولورم
.
.
آگاهسن منی کیم ثانی نه حاله سالوب
جدّیم وئرن فدکی جبراً الیمدن آلوب
باخ صورتیمده همان سیلی نشانی قالوب
سوسن کیمی گووروب بوگل جمال ئولورم
.
.
تاپشوردی امّتینه جدّیم گئدنده منی
قویموب عدو قوروسون باری بابام کفنی
اُود وردی درگهیمی یاندیردی قوم دنی
ئلدوردیلر بالامی قوم ضلال ئولورم
.
.
آغلاعم اوغلی منیم عمرونجه نسگلیمه
گوز یاشویله سو سپ بوسوزش دلیمه
چکدیم ز بسکه جفا اولدوم رضا ئولومه
غمدن قدیم اگلوب اولدی هلال ئولورم
.
.
ئولم بوگون بولورم ای شهریار زمن
گیزلنجه غسلمی وئر ائیله حنوط و کفن
دفن ائت گئجیله منی گیزلت مزاریمی سن
بو باره دن منی قیل سن بیخیال ئولورم
.
.
ائیله وصیّتمه جان و دلیله عمل
اعدا رضا دگولم تابوتیمه ورا ال
قالموب عم اوغلی داخی چوخ گفتگویه محل
بسدور قبول اولونا بوعرض حال ئولورم
.
.
بیرده بالالاریمی دیندیر محبتیله
کلثوم و زینبیمه باخ چشم رأفتیله
اولما رضا یانالار نار مصیبتیله
گل یوزلره توکه لر اشگ زلال ئولورم
.
.
قویما ملول اولالار اوغلوم حسین و حسن
دلدن نوازش ائیله نور دو عینمه سن
عزّتله بسلمیشم آخر حسینمی من
گتدیم اله من ائله بیر نونهال ئولورم
.
.
#گریز #قتلگاه
.
.
یافاطمه نولی قیل دشت بلایه گذر
گل قتلگهده ایله اوغلون حسینه نظر
قان دجله سنده دیور ای قوم کینه سیر
قویموب دلیمده عطش تاب مقال ئولورم
.
.
یاره یارالاریمی جسممده سان وئرورم
سینمده اوخ آتانا من یر نشان وئرورم
کوی وفادہ خوشام لب تشنه جان وئرورم
اینجیتمیون گوروسوز یوخ منده حال ئولورم
.
.
من دلخوشام وروسوز هر قدر یاره ورون
صاقدان صولا چویرون خنجرلریله یورون
زینب گلور چکلون بیر آز کناره دورون
یاننده ائیلمیون چوخ قیل و قال ئولورم
.
.
چوخ ایسترم بو زمان باجیم یانیمدا اولا
باشین آچا آنا تک بیرجه ساچینی یولا
زلفون یوزه داغیدا قارداش دیوب پوزولا
آخر نفسده قورا بیر بزم حال ئولورم
.
.
اللهه باغلاگیلن عاصی توکّلووی
زهرا الیله آچا تا اینکه مشگلووی
مقطعده مطلعی یاز ختم ائت توسّلووی
حقون عم اوغلی منه ائیله حلال ئولورم
.
.
#فاطمیه_عاصی_تبریزی
#فاطمیه_شهادت
#حقون_عم_اوغلی_منه_ایله_حلال_ئولورم
#ترکی
.
✍️ #زبدةالاشعار ✍️
.
🆔: @nohe_torki
نظر دهید