رمضان المبارک
.
✍️ #زبدةالاشعار ✍️
.
🆔: @nohe_torki
.
محمد وهابزاده (عیار اردبیلی)
.
حق سُفره آچوب ماهِ ضیافت رمضاندی
سَرور هامی آیلاردا فضیلت رمضاندی
.
فرصت طلب انسان نه فقط اهلِ شَر اولسون
خَیر العملَه اَفضلِ فُرصت رمضاندی
.
اون بیر آیی هر ایش گورَن انسان داخی بسدی
گل توبه ائله ماه طهارت رمضاندی
.
هم جسمووه هم روحووه زحمت چوخ اولوبدی
شاید نه بیلیم موقعِ راحت رمضاندی
.
وعده ویریلوب کیمسیه جنت اولا ارزان
مخلص اوروج انسانه او دعوت رمضاندی
.
تعبیر غلط ایلمه سین کج روش انسان
حتی یخیلوب یاتماقا لذّت رمضاندی
.
الله ئوزی فرمایش ائدوب کیم اوروج اولسا
بو آیدا نفَس چکسه عبادت رمضاندی
.
گل یاتماقیلان من دییَن اعمالی قیاس ائت
هیئت گلَنه قیمت جنت رمضاندی
.
(عیّار) سنون اولماز عباداتوه ارزش
تا واردی ریا عرصهء زحمت رمضاندی
.
.
#رمضانیه #محمد_وهابزاده
#مناجات
#حق_سفره_آچوب_ماه_ضیافت_رمضاندی
#ترکی
.
✍️ #زبدةالاشعار ✍️
.
🆔: @nohe_torki
نظر دهید