مُحَسّناتون او اندازه بیکراندی آنا

مقام مادر
.
✍️ زبدة الاشعار ✍️
🆔: @nohe_torki
.
سیفی اردبیلی
.
مُحَسّناتون او اندازه بیکراندی آنا
قلَم مَدیحووَه عاجزدی ناتواندی آنا
.
زُلال سِیرَتوون، لایَزالی همّتوون
همیشه آینه گردانی، کهکشاندی آنا
.
سَرَنده سن یره سَجّادۀ دعا و نَماز
باخان دیَر مَلَکِ مُلکِ قُدسیاندی آنا
.
او مُوجِ عاطفه که قلبوون تَراوشی دی
نَماد رحمتِ خلّاقِ لا مَکاندی آنا
.
حَریم کعبیَه بنذردی سایۀ کَرَمون
سنون وفا اَتَگون قبله گاه جاندی آنا
.
او قَدری جاذبه لایلای سَسُونده واردی سنون
دَمِ مَسیح کیمی، معجزون عیاندی آنا
.
ئوپَر ایاقوی کیم باور ایلَسه بو سوزه
همان ایاقلارون آلتدا، دَرِ جناندی آنا
.
سنون پیام کمالون، دروسِ تَربیتون
نوید بخش شَرَف، عزّتِ روان دی آنا
.
بیزیم اوجالماقا حَتماً مَسیرهَستی دَه
دلیل، سنده اولان قامتِ کماندی آنا
.
اوجالا بیلمز اوشاقلار، قوجالماساآنالار
عیاری زحمتوون، دُرّیدن گراندی آنا
.
بَصیرت ایستوری تحلیل ایده منیم سوزومی
محیط صبریده فرزانه قهرماندی آنا
.
اینان که گلشنِ سَبز حیاتیده “سیفی
یگانه عاشق شیدا و جانفشاندی آنا
.
#مادر
#سیفی_اردبیلی
#محسناتون_او_اندازه_بیکراندی_آنا
#ترکی
.

✍️ #زبدةالاشعار ✍️
.
🆔: @nohe_torki