حیالی زینبیم آمان سن آغلاما من آغلارام #ورود_مدینه_منتظری

ورود به مدینه
سوال و جواب حضرت ام البنین (س) با حضرت زینب (س)
.
زبدة الاشعار
.
: @nohe_torki
.
ـــــــــــــ
#سبک_دل_شب_ایلیوب_سفر (4 سبک سینه و زنجیر )
پخش‌کننده صوت

.
#سبک_الهی_دفن_ایدیم_نجه
واگیر برای این سبک :
(حیالی زینب وفالی زینب
باشیندا قاره یارالی زینب)
ـــــــــــــ
حاج محمدعلی منتظری شریف آبادی
.
سوال
حیالی زینبیم آمان
سن آغلاما من آغلارام
جوان قدی کمان اولان
سن آغلاما من آغلارام
آمان بالام آمان بالام
یامان گونه قالان بالام
.
.
جواب
ئولونجه آغلارام ننه
گئچوبدی قاره گونلریم
بلا چولونده ظلمیله
خزانه دوندی گللریم
نه وار یانیمدا قاسمیم
نه اکبریم نه اصغریم
اولوبدی مونسیم فغان
سن آغلاما من آغلارام
آمان ننه آمان ننه
یامان گونه قالان ننه
.
.
سوال
هانی رجال هاشمی
نولوبدی ائللرون سنون
دانیش منیم شیرین دیلیم
هانی او دیللرون سنون
ندن بو آز زمانِیده
آغاردی تللرون سنون
اولان ستمله باغری قان
سن آغلاما من آغلارام
.
.
جواب
آغاردی ساچلاریم ولی
قارالدی معجریم منیم
ووروبدی قمچی کوفیان
کبود اولوبدی پیکریم
ننم بتول تک آنا
گوروبدی صدمه شهپریم
وروبدی ثانیِ زمان
سن آغلاما من آغلارام
.
.
سوال
بو منتظر گوزوم فدا
او چشم اشکریزیوه
نولوب حسینِیم هاردا دور
بیان ایله کنیزِیوه
گله قاداسی جانیمه
نه گلدی اُول عزیزیوه
هانی سنون ایکی بالان
سن آغلاما من آغلارام
.
.
جواب
یوزون آغ اولسون آی ننه
سنون قَوی جوانلارون
حسینه ائتدولر سپر
بلا چولونده جانلارون
منیم ایکی بالام ئولوب
سنونده پهلوانلارون
یتوشدی کامه کافران
سن آغلاما من آغلارام
.
.
سوال
جوانلاریم هامی فدا
اولا او نور عینمه
نشان ختم الانبیا
عزیز عالمینمه
آتام فدا آنام فدا
ئوزوم فدا حسینمه
حسینه نولدی ائت بیان
سن آغلاما من آغلارام
.
.
جواب
دئسم اگر صریحینی
آنا گئدرسن حالِیدن
گونش قمر ستاره لر
قوتارمادی زوالِیدن
فقط امام ساجدین
قالوب نشان رجالِیدن
وفاسیز اولدی کوفیان
سن آغلاما من آغلارام
.
.
سوال
شراره دوشدی جانیمه
بو غم اثر کلامِدن
ایدور اسفلی سوزلرون
اشاره قتل عامِدن
باتوب امامتون گونی
دوشوبسن احترامِدن
عدو گوزونده خوار اولان
سن آغلاما من آغلارام
.
.
جواب
مدینه دن چیخاندا من
رفاهی باشدان آتموشام
بلی دیوب بلالره
عزا عزایه قاتموشام
ایله ایاقه دوشموشم
خرابه لرده یاتموشام
خانملوقوم اولوب یالان
سن آغلاما من آغلارام
.
.
سوال
خزان یتوبدی گلشنه
جفائله سولوب گلون
ندن صداسی گلموری
قولاقه خسته بلبلون
هانی حسین عزیزه سی
رقیّه اُول شیرین دلون
نولوب او طفل مهربان
سن آغلاما من آغلارام
.
.
جواب
گرک ئولونجه آغلیا
بو محنته گوزوم آنا
مزاره قویدوم اُول قیزی
خرابه ده اوزوم آنا
وارومدی فرصت ایله ساق
ئورکده چوخ سوزوم آنا
اولوبدی عزّتیم تالان
سن آغلاما من آغلارام
.
.
تخلص
دی «منتظِر» خلوصیله
ایکی بلا کشیدیه
ایکی مصیبته نشان
عزالی قد خمیدیه
بقیعِده دَمشقیده
غمیله آرمیدیه
ایکی اسفلی داستان
سن آغلاما من آغلارام
.
.
.
#حیالی_زینبیم_آمان_سن_آغلاما_من_آغلارام
#ترکی

.
#زبدةالاشعار
.
: @nohe_torki