خاطر ملالون خیم ووروب وادی خیالونده فاطمه #فاطمیه_دلپاک

زبانحال حضرت صدیقهٔ کبری (س) به حضرت امیرالمؤمنین (ع)
..
..
..
#سبک_ساخلا_ناقه_می و … ( 8 سبک سینه و زنجیر ) … گل اتاقی بیر خلوت ایلیاق … گئتمرم دایان گئتمه ساربان … نقش من چرا … و …
..
..
..
رضا غلامپور(دلپاک)
..
..
..
..
خاطر ملالون خیم ووروب وادی خیالونده فاطمه
خیمهٔ خیالون یانیر عجب آتش ملالونده فاطمه
..
..
..
..
روزگار الینده جفائیله حیف اولا قوجالدون جوان جوان
کیمدی بولمین کی نه نوعیله ائتدی باغریوی اهل کینه قان
واقفم بو غمدن اگرچه سن مندن ایلیسن بو غمی نهان
باغریوین قانی آشکار اولور گور نه اشک آلونده فاطمه
..
..
..
..
قامت دله رخت غصه نی متصل ملالون گیندیریر
ناقهٔ ملاله خیالیمی دست غصه هر لحظه میندیریر
آچ گوزون عم اوغلوندی کی سنی شیون و فغانیله دیندیریر
واردی دردینه خاصه بیر دوا نسخهٔ مقالونده فاطمه
..
..
..
..
لحظه لحظه باخدوقجا حالیوه اشک محنتیله بویانمیشام
بیر خدا بولور کی خفائیله هانسی بیر فضاده دولانمیشام
خاصه اود دوتوب ابتهالیله آتش مصیبتده یانمیشام
شعله ور اولان لحظه حاجتین سوز ابتهالونده فاطمه
..
..
..
..
ای منیم همای سعادتیم ترک ایلمه آشیانه وی
باشلا نغمه تا صفحهٔ دله درج ائدیم پیام ترانه وی
آچما بال و پر کی بو اهتمام آرتیرار غم محرمانه وی
چون شکسته لیقدان نه وقتیدور وار نشانه بالونده فاطمه
..
..
..
..
حیطهٔ مصیبتده بی درنگ آلمیشام نظرده سنی مدام
من دچار اولانان ملالته وئرمیندن امت منه سلام
گوئیا کی شغلوندی آغلاماق کارگاه محنتده صبح و شام
آغلاما ، اگرچه مصرّسن غملی اشتغالونده فاطمه
..
..
..
..
اوج دقتیله گرهلنیب رشتهٔ الم بو خیالیله
بیرده بی گمان هر نقوش غم طرح اولوب ملال بو حالیله
آغلییب گوزوندن گوزون یاشین سیلمیسن ز بس کی بو شالیله
نقش بند اولوبدور گوزون یاشی تار و پود شالونده فاطمه
..
..
..
..
گوستریب سنیله خلایقه خلق ائدن تجلای عصمتی
عصمتینده فاش ائتدی عالمه سرّ عفتی راز عزتی
سنده تاپدی روح الامین یقین خلق اولاندا روح فضیلتی
منده گوردوم اسرار وصلتی حلقهٔ وصالونده فاطمه
..
..
..
..
واردی بیر سوالیم اورکده کی طرحی آرتیرار قلبیوه ملال
بیر سوالی کی آیری مطلبه وئرمیری داخی ذهنیده مجال
عفو ائله منی ایلسه سنی غرق محنت و غصه بو سوال
سویله نه اثردور بو گورسنیر نیلی گون جمالونده فاطمه
..
..
..
..
ای سپهره ایمانه مهر و وی چرخ عصمته ماه بی بدیل
باتما کی سوزولموش ستاره لر بیر به بیر دوشوبلر سنه دخیل
چوخدی بو افولون حکایتی شرحینه ولی بسدی بو دلیل
بار ظلمتین وار علامتی قامت هلالونده فاطمه
..
..
..
..
خاصه بیر کرامتله من کیمی طبع و قلب «دلپاکه» قیل نظر
تا قلوب اهل ولایته بیر به بیر ائده سوزلری اثر
سرورین کراماتی نوکری خلق آرا ائدر بیرده معتبر
سن کرم قیلانان بو نوکره محودور کمالونده فاطمه
..
..
..
..