شهادت حضرت زهرا (س)
.
.
حاج روح اله رمضانی(خاکی)
.
.
علی گجه یاریسی غسل ائدنده زهرانی
عزایه توش ائلدی کافرو مسلمانی
.
یوخیدی دیزده قواسی ، کَننده ی خیبر
توکردی گل یوزونه دمبدم جگر قانی
.
الی اورکده ائوینده گزوردی آواره
کمال حسرتیله بدرو خیبر اصلانی
.
اسنده دیزلری غمدن او شیر یزدانین
گتوردی لرزیه غم طاق عرش اعلانی
.
اوجالدی عرشه نوا قلب پر شراریندن
گوروندی گوزلره تا رد سیلی ثانی
.
اوجالدی یردن علینون نواسی آفاقه
بورودی گرد عزا آسمان بطحانی
.
حسن حسینی علی صبره دعوت ائتمیشدی
اوزیده چاک ائلدی غصه دن گریبانی
.
گوروردی سیلی یرین فاطمه جمالینده
سرشک محتیله دولموشیدی دامانی
.
حسن حسینه ساری یوز دوتوب غریبانه
دئدی گدون چاغیرین بوذریله سلمانی
.
گدون دیون بابامیز قاره گوننره قالمیش
فراق فاطمه دن آزقالور چیخا جانی
.
پناه عالمیان قالمیشیدی بی یاور
خراب اولیدی گوروم رکن عالم فانی
.
حسن حسین عجلیله تز اولدولار عازم
صحابه لر ائوینه چاتدیلار اولار آنی
.
خلاصه بوذرو سلمان یتیشدیلر نالان
گوروبله جانه دویوب دل شکسته مولانی
.
اوباوفا کیشی لر مرتضائیلن باهم
آیردیلار آنادان زینب پریشانی
.
نقدری ایلدیلر اولمادی حسن آرام
دوشوردی یادینه هی چونکه کوچه جریانی
.
آنا قدملرینه تز حسین اوزون سالدی
ائله نوا ائلدی یاندی قلب شان شانی
.
بدن تلاطمه دوشدی آچیلدی بند کفن
قوجاقه آلدی خانیم سید شهیدانی
.
ندا یتیشدی علی جان آییر اوشاقلاری
گتوردی نالیه غم ساکنان بالانی
.
حزین سسیله دوباره نوایه گلدی علی
مخاطب ایلدی اول غم کشیده طفلانی
.
اوجادان آغلامیون سسلدی حسن جانم
ائشیتسه حتمی گلر دفنه دشمن جانی
.
آنوز وصیت ائدوب چون گجه مزاره گده
بوسره ائتمیون آگه گروه اعدانی
.
خلاصه یدّی نفر بی صدا غریبانه
آپاردیلار گجه یاری بتول عذرانی
.
فقط نه سورۀ کوثر، بقیعده دفن اولدی
علی ترابه قویوب بلکه کل قرآنی
.
گجه گونوز یازاسان چاتماز آخره خاکی
ملال فاطمه نین یوخدی چونکه پایانی
.
.
#فاطمیه #رمضانی_خاکی #فاطمیه_شهادت #ترکی #زبدةالاشعار
نظر دهید