یاعلی
.
.
هدایتی تبریزی
.
.
خالقه مظهر علی جان پیمبر علی
اوچماقا شهپر علی آیت اکبر علی
ساقی و ساغر علی شاه ملک فر علی
میر هنرور علی شافع محشر علی
حیدر و صفدر علی مذهبه پیکر علی
یا علی و یا علی یا علی و یا علی
.
.
شاه سلونی سُرا ماخلقه مقتدا
منبع جود و کرم معدن لطف و عطا
عمری گئچن عمره ده مولَدی بیت خدا
طاهر و پاک و زکی قدوه ی اهل کسا
سوزلری لبّ کلام زبده سخنور علی
یا علی و یا علی یا علی و یا علی
.
.
وصل حقه بی قرار عارف و آگاه علی
عارف باللّه علی جاهد للّه علی
لحظه به لحظه ائدن سیر الی الله علی
سلم و رضا عاشقی کرنشی فی الله علی
حسنونه حیران عقول احسن و اخیر علی
یا علی و یا علی یا علی و یا علی
.
.
روح و تن و نیّتی ساز حقه سازگار
وصلت حقّه اولان هر دم و دم بی قرار
دین قوی ایمان قوی همّتی چوخ استوار
سالک عالی مقام با شرف و با وقار
جان بکف و با هدف میر مظفّر علی
یا علی و یا علی یا علی و یا علی
.
.
بنده ی حق ، حق شعار ، حق طلب و حق مرام
معترف اخلاصینه اهل ادب خاصّ و عام
مرضی حق دور قعود ایلیه یا کی قیام
ماخلقه حکمت حقدن اولوب دور امام
لطف خدادن اولوب خلقته رهبر علی
یا علی و یا علی یا علی و یا علی
.
.
مکّه منادور علی مروه صفادور علی
کان عطادور علی عقده گشادور علی
مهر و وفادور علی درده دوا دور علی
فلک نجادور علی باب رجا دور علی
زهره جبین مه لقا قامع کافر علی
یا علی و یا علی یا علی و یا علی
.
.
پنجه سی دشمن شکار الده کسن ذوالفقار
تیغی بل برقی تک عرصه ده اود یاغدیرار
برق بلا مثلی دور دشمنه تیغی شاخار
باشدی بدن دی دوشر قان دی ترابه آخار
تک باشا بیر لشکره واردی برابر علی
یا علی و یا علی یا علی و یا علی
.
.
ائتسه عیان پرده دن ماه دل آراسینی
گوز گوره بیلمز عیان صورت زیباسینی
مهریله گزدیرسه گر دیده ی شهلاسینی
عالمه گر داددیرا ساغر و صهباسینی
عالمی مست می معرفت ایلر علی
یا علی و یا علی یا علی و یا علی
.
.
جوهر جان دور علی درّ گران دور علی
روح روان دور علی نام و نشان دور علی
شاه جهان دور علی حقّه لسان دور علی
جان دا کی قان دور علی قلبه توان دور علی
وَرد جنان دور علی جنّته زیور علی
یا علی و یا علی یا علی و یا علی
.
.
عزّت علی جاه علی سلک الی الله علی
هم اسدالله علی هم اُذن الله علی
کاسر اصنام اولان یعنی یدالله علی
سینه سی سینای عشق نور من الله علی
عرش برین زینتی مهر مستّر علی
یا علی و یا علی یا علی و یا علی
.
.
عارف کامل علی رایته حامل علی
علم علی عامل علی رحمته شامل علی
ناهی ریب و ریا دشمن نامل علی(1)
نیّر تابنده و اجمل جامل علی(2)
رایحه ی جنّت و وَرد معطّر علی
یا علی و یا علی یا علی و یا علی
.
.
قامتی طوبای عشق سینه سی سینای عشق
ال لری الله الی دیده سی بینای عشق
ماخلقین سروری صبرده دریای عشق
لعل لبندن آخان ساغر و مینای عشق
میر مطهّر علی ساقی کوثر علی
یا علی و یا علی یا علی و یا علی
.
.
بنده ی دادار علی عبد سزاوار علی
عالمه سالار علی دلبر و دلدار علی
عارف هشیار علی دیده سی بیدار علی
سرور ابرار علی واقف اسرار علی
نور پدیدار علی حامد و اشهر علی
یا علی و یا علی یا علی و یا علی
.
.
رهبر صادق علی جان بکف عاشق علی
حقّه موافق علی فوق خلایق علی
مؤمن سابق علی جنگ ده فایق علی
عادل و واثق علی وصلته شایق علی
حلم ده داهق علی نور علی انور علی(3)
یا علی و یا علی یا علی و یا علی
.
.
راکع و ساجد علی زاهد جاهد علی
افقه و قائد علی امّته شاهد علی
خیرده ، ایثارده ساعی و راید علی(4)
صافی و ماجد علی وافی و عاهد علی
مرشد و راشد علی وحدته محور علی
یا علی و یا علی یا علی و یا علی
.
.
شاه سلونی سُرا طالب صلح و صفا
دُرج لبی دُر نثار کلمه سی درّ و طلا
باشدا امامت تاجی ، تاج سر اولیا
منبع جود و کرم معدن سلم و رضا
باب امید امم عشق مصوّر علی
یا علی و یا علی یا علی و یا علی
.
.
مایه ی اکمال دین خاتم دینه نگین
شرم و حیا حجبنی گورسه اولار شرمگین
صورتی مهر مضیء قاشی کمان مه جبین
آب گوارای عشق معنی ماء معین
آب بقا زاکی و پاک مطهّر علی
یا علی و یا علی یا علی و یا علی
.
.
هر نفسی ذکر هو حقله ائدن گفتگو
نیک سیر نیک پی نیک روش نیک خو
لطف و رضای حقی هر دم ائدن جستجو
محض رضا ایلین هر عملین مو به مو
وئردی رضا هر نه کی اولدی مقدّر علی
یا علی و یا علی یا علی و یا علی
.
.
(1)نامل : سخن چین
(2)جامل : قبیله بزرگ
(3) داهق : پر
(4) راید : پیشرو ، جوینده
.
.
#حیدریه #هدایت_تبریزی #حیدریه_مدح #ترکی #زبدةالاشعار
نظر دهید