معرفت باغینه سن سویملی باغبان سان آنا #مادر_آذرین_خلخال

مقام مادر
..
..
ودود آذرین خلخال
..
..
معرفت باغینه سن سویملی باغبان سان آنا
غم چاقیمدا ئورگیم دردینه درمان سان آنا
..
دوز دیوبلر ایاغون آتدا بهشتین یری وار
یعنی سن هم نفس حوری وغلمان سان آنا
..
منی سندن اؤزاقا گر چه سالیب جور زمان
چوخ گیجه رویالاریمدا منه مهمان سان آنا
..
سنیدون صبحه كیمین هر گیجه لایلای چالانیم
اونا خاطر منیچون جلوۀ یزدان سان آنا
..
منه تب عارض اولان دا چابالاردی ئورگون
سن طبیب نفس وجسمیله بو جان سان آنا
..
سنون عشقونله ویرور سینه ده قلبیم ننه جان
الله عالمدی كی سن عشقه نگهبان سان آنا
..
اوخویور بلبل شوریده گول اوسته بوسیاق
زینت هر چمن و باغ و گلستان سان آنا
..
«آذرین» ده نه لیاقت سنیچون شعر یازا
سن ئوزون صاحب صد دفتر ودیوان سان آنا
..
..
#مادر #آذرین_خلخال #پندیات #ختم_خوانی #ترکی #زبدةالاشعار