یا مهدی
.
#زبدةالاشعار
.
: @nohe_torki
.
شبگیر تبریزی
.
خامۀ زرّین نگار الده خمار و بیقرار
وادی حیرتده اولدوم ساقی عشاقه یار
.
.
ساقی عشاق نه بَل علت کلّ خَلَق
جوهر ذاتیندن اشیای خَلَقده وار نَسَق
مکتبینده علم عقلی علم نقلی بیر سَبَق
کل موجوده وئروب ذاتی حیات مُستَعار
.
.
ساقی عشاق نه بل هادی کلّ الورا
والی ملک ولایت وارث اهل کسا
زاده ی زهرا، ولی حق، عزیز مرتضی’
نه فلک تاپمیش وجود نازنینندن قرار
.
.
مقدمیندن بوس ائدر خورشید هنگام طلوع
معنی والشّمس عذاری پر فروغ و پر فروغ
مدحینه یوخ فکرتیمده قدرت حدّ بلوغ
وار امیدیم طبع موزونه اولا دلدار، یار
.
.
جامعِ جمعِ کتابِ جامعِ رب الفلق
ذره ی نوری وئروب خورشیده انوار شفق
راکع درگاهی اشیای عوالم بِالتَّفَق
پیشگاهینده قمرلر ساجد کامل عیار
.
.
مصدر انوار رب اولین و آخرین
مظهر اوصاف نیک رحمةً للعالمین
مقتبِس نور رخیندان نخلۀ طور سِنین
محضرینده موسیِ عمران اولوبدور کامکار
.
.
هیکل توحیدی اولموش مرتضایه مُستوی
یُمن نوریندن اولوب اَجرام کیهان مُنطوی
نورینی درک ایلینمز غیر شخص معنوی
اهل معنادور جهاندا زُمرۀ مردان کار
.
.
عارضی انوار قدس عرشدن مَلفُوفدور
اهل معنی چهره سین گورماقیله مَشعُوفدور
درک ائدنمز نورخورشیدی او که مَکفُوفدور
وَرنه افزون، مهردن گون صورتی خورشید وار
.
.
وارث کل علوم انبیای ایزدی
قائم آل محمد نور ذات احمدی
مظهر ذات و صفات معنوییه اب جدی
هیکل توحیدی خلّاق ودوده شاهکار
.
.
پردۀ غیبتده پنهان لیک اهل کثرته
پردۀ غیبتده پیدا لیک اهل وحدته
قالمیشام دریای حیرتده رموز قدرته
روز غیبتدن اولوبدور پرده ساز و پرده دار
.
.
ای کلامی وحی مُنزَل، هادی اهل ولا
وی جمالی مُلمِع انوار ذاتیّ ِ خدا
انتقام فاطمه قویما شها یئرده قالا
موتدن پُرسوزدور عشّاقه داغِ انتظار
.
.
دل بسان مَحبَسی اُلفت تاپوب زنجیرلن
حفظ آرامش ائدر جام میِ شبگیرلن
نوش ائدر دل بادۀ شبگیرینی شبگیرلن
بادۀ شبگیر ائدر شبگیری آخر سربِدار
.
.
#خامه_زرین_نگار_الده_خمار_و_بیقرار
#ترکی
.
#زبدةالاشعار
.
: @nohe_torki
نظر دهید