سینونده کی جراحته قربان اولوم ننه #فاطمیه_غفاری_زنجانی

زبانحال حضرت زینب سلام الله علیها در شهادت مادر
..
..
غفاری زنجانی
..
..
سینونده کی جراحته قربان اولوم ننه
اول صدر با شرافته قربان اولوم ننه
..
کیم سن کیمی دویوب بیله تز روزگاریدن
سن چکدگون ریاضته قربان اولوم ننه
..
ای آز جماعتیله گیدن قبره پیکری
اول باوفا جماعته قربان اولوم ننه
..
ای گورمین گلین، قیزون ایودن کوچرتمین
قلبینده قالموش حسرته قربان اولوم ننه
..
ای محسنه مزار اولان ئوز آستانه سی
سن گوردوگون قیامته قربان اولوم ننه
..
ای طاعتینه غبطه ایدن عابدان دهر
سن ایتدیگون عبادته قربان اولوم ننه
..
ای دست ظلبیله فدکی غصب اولان آنا
سن دوشدوگون مشقّته قربان اولوم ننه
..
ای درگهی یانان ستم ظالماندن
درگاه باکرامته قربان اولوم ننه
..
ای دورت بالاسینی گوزی یاشلی قویوب گیدن
سن گیتدیگون ولایته قربان اولوم ننه
..
تاپشوردی امّته سنی پیغمبر خدا
تاپشوردوقی امانته قربان اولوم ننه
..
جدّیم همیشه امّ ابیها دیوب سنه
سنده اولان جلالته قربان اولوم ننه
..
قد تمام دوراردی ایاقه گلنده سن
اول احترام حرمته قربان اولوم ننه
..
گاهی ئوپردی اللرون ایگلردی گل کیمی
سنده اولان لیاقته قربان اولوم ننه
..
گاهی دیردی پارّ تن دور قیزیم منه
من بو گوزل عبارته قربان اولوم ننه
..
«غفارینی» خانملوق ایله ایسته قبروه
بیر یول گله زیارته قربان اولوم ننه
..
..
#فاطمیه #غفاری_زنجانی #فاطمیه_شهادت #ترکی #زبدةالاشعار