خانم عمه سی بالامون دوشوب نفسی شماریه قورخورام #اصغریه_تقایی_اردبیلی

زبانحال حضرت رباب در عطش حضرت علی اصغر(ع)
شب عاشورا
..
..
#سبک_بالام_آغلاما_گلوم_آغلاما و … ( 7 سبک برای سینه زنی و زنجیر ) … من عزیز فاطمیم فلک … سن آت اوسته پای پیاده من … بو خرابه نی ایلمه وطن … دولانور علی قیزی مقتلی و … بالام آغلاما … باجی دور گئداخ …
..
..
..
..
‌مرحوم تقایی اردبیلی
..
..
..
خانم عمه سی بالامون دوشوب نفسی شماریه قورخورام
سنی فاطمه بیر علاج ایله بو آخان ستاریه قورخورام
..
..
عطش ایلیوبدی اثر خانم گولومون صولوبدی یایاقلاری
یتشوبدی جانی دوداقینه اولو پاره پاره دوداقلاری
دوزولوب اجل تری آلنینا سوییوبدی خیردا ایاقلاری
بلینمورم سالا بیلمورم داخی گاهواریه قورخورام
..
..
سوزولور گوزی آخنور باشی ال ایاق چالور او مَلَر قوزی
ایله بیل مَداریدن آیریلوب آخیر آسمانیدان اولدوزی
بیر ایچیم سو اولسا چیخارخانم سحره بو زندگیمون دوزی
سو چیخوب داشا خطر آز قالور یته شیرخواریه قورخورام
..
..
دیلینی دوداقلارا گزدیرور قوری لبلری اورگیم دلور
اوتوروب یانندا رقیّه سی یوزه قلبینون قانینی الور
نفسین آلوردیم ئولیدی بو نفسین ویرنده آلو گلور
ایله اودلی سینه ده بنذیور نفسی شراریه قورخورام
..
..
نه صود اولمادی نه سو تاپمادیم اورگیم بو محنته داغلادوم
قوریان دوشوم بویانوب قانا بالام آغلادی اؤزوم آغلادوم
کسیلوبدی چاره یولوم داخی الینی قماطینه باغلادوم
قفس اولدی قونداقی آی خانم یورولان هزاریه قورخورام
..
..
گجه نون بو عالمی بولمورم سودان اوتری من هایانا گیدم
قوزومی منیم عطش ئولدورور اونا بیلمورم نه علاج ایدم
سوزومی دِیَنمورم اکبره بولوسن اؤزوم که مُقیّدم
بیر علاج ایله بو علاج سیز گونی بختی قاریه قورخورام
..
..
سن اورزون خبر قیل عمو سینه یته دادینه بالامون کسی
تاپا بیلسه جرعه سو اصغره سحره کیمی اولاجاق بسی
بالامون باتوبدی شقیقه سی یومولور گوزی دوتولوب سسی
یتشوب خزان یِلی ظلمیله او گوزل هزاریه قورخورام
..
..
بلوسن که خیمده ایل گچور غمیلن دقایقیم آغلورام
داریخور نفس بو جهانیدن کسیلور علایقیم آغلورام
قورویوبدی ریشه سی غنچه مون سارالوب شقایقیم آغلورام
نه ئولوم گلور نه چاتور الیم بو مکاندا چاریه قورخورام
..
..
..
#اصغریه #تقایی_اردبیلی #اصغریه_شهادت #ترکی #زبدةالاشعار