زبانحال حضرت زینب سلام الله علیها در کوچ از قتلگاه
.
✍️ زبدة الاشعار ✍️
.
🆔: @nohe_torki
.
مرحوم حاج حسین علیزادگان (شاکر تبریزی)
.
خداوندا حسینیم هاردا دوشموش قانینه غلطان
قالوبسان هاردا قارداش زینبون اولسون سنه قربان
.
.
دولاندی غم فزا دشتی گوروب آختاردیقی یوخدی
یتوشدی بیر چوخور یئرده گوروب قان لخته سی چوخدی
ولی مستور ائدوب داش یا سینیق شمشیریدور اوخدی
گوروب بو یئر دونن شمریله ال دامان اولان یئردور
یقین ایتدی حسینون قانینه غلطان اولان یئردور
.
.
گویرمیش اللریله ائتدی چون مانع لره چاره
عیان اولدی یوزی اوسته دوشن بیر نعش صدپاره
گوروب نه باشی واردور نه الی باشدان باشا یاره
توکوب حسرتله گوز یاشی دئدی قارداش حسین سنسن
شه لب تشنه پور فاتح بدر و حنین سنسن
.
.
چکوب بیر آه سیر کینۀ اهل عناد ایتدی
چویوردی آرخاسی اوسته گیچن ایّامی یاد ایتدی
بیر اَل قارداشدا بیر اَل آسمانه دوتدی داد ایتدی
دئدی الله بو قربانی اوزون بیزدن قبول ایله
فیوضین شامل احفاد و اولاد رسول ایله
.
.
دئدی قارداش اویانسیدون بولردون منده حالتدن
باجون اوز سهمینی گوردی بو صحراده قیامتدن
حکایت ایلیوم قارداش نئجه اوضاع غارتدن
گئدوب یغمایه حتماً البسِیله اسلحه ئن بی شک
اقلّاً قالمیوب اگنونده کی مندن آلان کوینک
.
.
گئچن شب عرض ائدوم قارداش نلر چکدوم بلادن من
گونوز خسته گئجه ظلمتده یانمیش خیمه لر شیون
سیزیلتی بیر طرفده بیر طرفدن ناگران سندن
سوروشدوم صبح اولاندا وای منه قارداش حضوریندن
کول اولسون باشیمه دوتدوم خبر خولی تنوریندن
.
.
حسین قلبیم اولوب غم مخزنی از بسکه درد آلدی
منی دور سال یولا شامه باجون بو چولده تک قالدی
نجه آخر وداعونده سنی زینب یولا سالدی
امیر کاروان گئتسون نه نوعی کاروان سنسیز
ائدور عزم بیابان زینب بی خانمان سنسیز
.
.
ایراق قارداش گوزوندن ناز پرورده خانم قزلار
اولوب دشمن اسیری ظلمیله بیر دسته یالقیزلار
گلوبلر شیونه ایوای اوغول دلده اوغولسوزلار
اولاردا موج غمدن دائماً لرزاندیلار قارداش
نهیب لشگر بیدادیله گریلاندیلار قارداش
.
.
شبیه مصطفانی گوردوم ئوپدوم چکدوم آغوشه
و لیکن گورمدوم من اصغری هاردا گئدوب هوشه
صباح اوغلون گلوب ترتیب ائدر بیر قبر شش گوشه
یاتار پایین پاده اکبرین دائم اوغول وای دئ
علی اصغری آل سینوه عطشاندی لایلای دئ
.
.
دئمه زینب سنی بو چولده سالدی باغری قان گئتدی
بئله گونلر قباقینده قویوب بی سایبان گئتدی
بولورسن لاعلاج اَل اوزدی ای آرام جان گئتدی
سنی یادّان چیخاتمام روحومی قویدوم رهینونده
اجلدن مهلت اولسا بیرده گلّم اربعینونده
.
.
مجالیم یوخ آلوبلار چاره می اَلدن خداحافظ
دریغا گورمدوم عبّاسی گیتدوم من خداحافظ
من زارین دلیجه اوندان ایله سن خداحافظ
سوروشسا گلمدی دیداریمه زینب ندور علّت
بویور ایستردی گلسون اهل کینه وئرمدی فرصت
.
.
اولوب زندان غم ده «شاکر» محنت زده محبوس
محیطی غصّه و غمدور مصیبتلر اونا مأنوس
تیکوبدور گوز سنه امّیدیله قویما اولا مأیوس
نئجه اولسا گینه وابسته دور آخر بو درباره
سنی زهرا خدادن ایسته ایتسون دردینه چاره
.
.
.
#خداوندا_حسینیم_هاردا_دوشموش_قانینه_غلطان
#ترکی
.
✍️ #زبدةالاشعار ✍️
.
🆔: @nohe_torki
نظر دهید