خدیجه همسر پیغبره سلام اولسون #حضرت_خدیجه_جاهد

حضرت خدیجه سلام الله علیها
.
.
.
حاج علی پور علی(جاهد)
.
خدیجه همسر پیغبره سلام اولسون
وفالی بانوی دین پروره سلام اولسون
.
نهان خزینه ی اسرار و رمز خلقتده
بهالی کنز و گران گوهره سلام اولسون
.
خُویلدین قیزی بانوی بانوان بهشت
عصارۀ شرف و باوره سلام اولسون
.
حمیده طاهره بانوی اول اسلام
ستون خیمۀ پیغبره سلام اولسون
.
چتین زمانیده اسلامه ایلدی یاری
دئنن بو دلبره، بو یاوره سلام اولسون
.
خطرده چترحمایت آچوب نبی باشینا
بزرگ بانوی نام آوره سلام اولسون
.
بو بیرخانمدی کی همسردی اشرف الناسه
دئنن بو همسره بو دلبره سلام اولسون
.
بو بیر خانمدیکی زهرا کیمین ستاره سی وار
او شب ستارۀ روشنگره سلام اولسون
.
خدیجه نین قزی الحق گرگ اولا زهرا
دئنن بو مادره بو دختره سلام اولسون
.
هزارحیف اولا، گئتدی خدیجه دنیادن
فلک لر آغلادی بو مادره سلام اولسون
.
خدیجه ئولدی یتیم اولدی حضرت زهرا
اورک قانین قاتیب اشگ تره سلام اولسون
.
آناسی ئولدی ولی یانمادی کرم قاپوسی
دئنن بو بانوی والافره سلام اولسون
.
آتاسی ئولدی عمر اود ووروبدی درگهینه
او نار کینه ده یانمیش دره سلام اولسون
.
یانوب جنان قاپوسی عرشه چیخدی شعله لری
او شعله دن قان ایچن خنجراولدی میخ دری
.
اوشعله ده قیزاروب میخ در، ائدیب غوغا
یازوبدی سینۀ زهراده آه و ، واویلا
.
یاراندا سینه ی زهرانی قان ایچن مسمار
یازیلدی قانیله منشور دشت کرببلا
.
همان دلیله حسین جان وئرنده مقتلده
باجیسی ناله کنان سسلیوردی یا زهرا
.
#حضرت_خدیجه
#خدیجه_همسر_پیغبره_سلام_اولسون
#جاهد
#ترکی
.
.