خلقتین شاهکاری زهرادی #فاطمیه_مهدی_عابدینی

مدح حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
مهدی عابدینی
.
خلقتین شاهکاری زهرادی
زینت عرشیدور گوزل آدی
مظهر ذات حیِّ یکتادی
خلقتی خلقیدن مُجزادی
شوکتی بی مثال و والادی
.
.
گوزل آدی بهشته زینتدی
باخیشی بیکرانه رحمتدی
نَفَسی یر یوزونده نعمتدی
فاطمه منشأ کرامتدی
ذاتی هر عیبیدن مبرّادی
.
.
اودی باعث وجود دنیایه
حُسنی ویرمیش جهانه پیرایه
شأنینه نازل اولدی تا آیه
قدسیان چیخدیلار تماشایه
شأنی مافوق درک دنیادی
.
.
اودی پیغمبرخدایه حبیب
دل پر درد مرتضایه طبیب
یوخیدی فرّ و حشمتینده رقیب
اودی بی مثل و بی قرین و نجیب
گون کیمی شوکتی هویدادی
.
.
خالقین مین صفاتینه دارا
خلقیده بی بدیل و بی همتا
صف چکوب درگهینده خیل گدا
نه گدا عرشیدن گلیب حورا
باخ بصیرتله گورنه غوغادی
.
.
اودی افضل تمام دنیادن
یارانیبدیرکنیزی حورادن
باش دی مین هاجریله سارادن
نه یازیم بو فرشته سیمادن
بو کی ناموس ذات یکتادی
.
.
بویوروبدی بونی رسول امین
راضی اولمام بو دخت زهره جبین
اولا بیر لحظه قلبی زار و وغمین
بونا دلبسته دی زمان و زمین
تحت امرینده چرخ مینادی
.
.
شوکتی عالمی مسخّر ایدیب
حُبینی جنّته برابر ایدیب
آدینی نوریلن منوّر ایدیب
بونی هم کفو شیر خیبر ایدیب
بودی کی هر مقامه دارادی
.
.
فاطمه ماخلقده تک یارانیب
حیدره غم گونی کومک یارانیب
سفره خلقته نمک یارانیب
کفر و ایمانه ده محک یارانیب
شافع روز حشر زهرادی
.
.
یازا گر مین کتاب انورلر
یحیوی،منزوی و مضطرلر
شرح ایده حسنینی سخنورلر
وصفینه گر قورولسا منبرلر
وصفی والله چتین معمادی
.
.
#فاطمیه_مدح
#خلقتین_شاهکاری_زهرادی
#مهدی_عابدینی
#ترکی
.
✍️ #زبدةالاشعار ✍️
.
🆔: @nohe_torki