بمناسبت سالگرد ارتحال امام خمینی (ره)
.
✍️ #زبدةالاشعار ✍️
.
🆔: @nohe_torki
.
سید باقر سادات پور
.
من عاشق شهادتم امامیمی چوخ ایسترم
فدایی ولایتم امامیمی چوخ ایسترم
به شوکتم شرافتم امامیمی چوخ ایسترم
اولوب عجین فطرتم امامیمی چوخ ایسترم
گورم جمالین حسرتم امامیمی چوخ ایسترم
.
.
چخاندا عرشه فتنه لر خمینی ایلدی قیام
وئروبدی اهل مَنطِقَه خصوصی قم دا بیر پیام
پیامی دوشدی دللره دولوبدی جامعه تمام
که خواب راحتی ائدوب او شاه خائنه حرام
دئیوبدی خاک ملّتم امامیمی چوخ ایسترم
.
.
قیامینه دی مرحبا قیام بی ریاسی وار
اون ایکّی نوره متّصل الهی بیر قواسی وار
جهانه سالدی زلزله جهان بویی صداسی وار
بویوردی کشورین بلین حسین کیمین آقاسی وار
حسیندی راه نُصرَتم امامیمی چوخ ایسترم
.
.
دئیوب اوزی کمک لریم بلکده بیر اوشاقدیلار
دیمم یاتوبلا اوللاری گئجه گونوز اویاقدیلار
تاپللا راه نصرتی جوشان سوءتک بولاقدیلار
جوانلارین چوخون بئلوب بیر آز زمان قوناقدیلار
فدایی بصیرتم امامیمی چوخ ایسترم
.
.
آچوپلا پرده بیرگئجه گوروبدی جمله رازیدن
عروج ائدوب گئچوپ آقا بو مرز پر فرازیدن
گئجه گئچنده نیمه نی دوراردی خواب نازیدن
اُلونجه دویمادی آقا گئجه یاری نمازیدن
دئی عاشق عبادتم امامیمی چوخ ایسترم
.
.
گوروبدی شاه بی ادب اولوبدی عرصه تنگ اونا
پیام حق آشوب داشوب هامو دئیر که ننگ اونا
اولوبدی رشته پنبه سی حناسی کسدی رنگ اونا
ویروبدی پشت پا او گون حکومت فرنگ اونا
چوخالدی دلده طاقتم امامیمی چوخ ایسترم
.
.
ره حق و جهالتی چتیندی ایله انتخاب
خمینی اوج فتنه ده ائدوبدی گورنه انقلاب
اوظالیمین ائوین یخوب ائدوبدی کاخنی خراب
ویروپدی محکم آغزینا وئروبدی مقتدر جواب
بو ملّتیله دولتم امامیمی چوخ ایسترم
.
.
خمینی باغ ظلّتین آغاجلارین دَئروب آتوب
اولار که فتنه گردیلر شرافتی پولا ساتوب
بئله خیال ائدیله که جهاندا رهبری یاتوب
وئروبدی آبرو بیزه شرافت ایرانا چاتوب
دئیَردی ضد غفلتم امامیمی چوخ ایسترم
.
.
خمینی اُلمویوب هله ایشقلی گوندی زنده دی
شهیدلرین امامیدی او ذاتِ حقّه بنده دی
داماردا قلبیده سوزی ظهوره چان تپنده دی
خمینی نی چوخ ایستیرم دئینده منده سنده ،دی
بودور شعار بیعتم امامیمی چوخ ایسترم
.
.
آشاندا مرزی مدّعی که حسّ قدرت ایلسون
تشیُّعون حرملرین ستمله غارت ایلسون
اوگونلری بو دلده یوخ توان که صحبت ایلسون
قَوی اراده ایستییر مضاعف همّت ایلسون
مدافع شرافتم امامیمی چوخ ایسترم
.
.
اودور که رهبر جهان بویوردی سروریم منیم
اون اوچ یاشیندا نوجوان اولوبدی رهبریم منیم
واریمدی شیعه اوغلونا بو نوعی باوریم منیم
او شهری بندیدن رها ائدوبدی داوریم منیم
که ایندی منده راحتم امامیمی چوخ ایسترم
.
.
بوسوزده خشمه گلدیلرائدوبله حمله بی امان
خمینی انقلابینه نیاز اولوبدی تازه قان
اوگون که حمله کشوره اولوب دفاع ائدوب جوان
وئروبدی قان حسینی لر اولوب شهادت آرمان
من عاشق شهادتم امامیمی چوخ ایسترم
.
.
شهید قانی که زنده دی بونا سوزون وارهیئتی؟
شهید قانین وئروبدی که قالا اماندا عفّتی
که قویما غارت ایلیه منافق ایندی غیرتی
حجابی مسخره ائدن پوزون بساط خفّتی
چاتار او شخصه لعنتم امامیمی چوخ ایسترم
.
.
گلین گِئدک حسینی لر خمینی سالگردیدی
او،روح حق عروج ائدوب هامی بیلورکه مردیدی
کیم اولسا منکر حقّینه ره وفاده سردیدی
اولار که اهل دلدیلر بئلله اهل دردیدی
من عازم زیارتم امامیمی چوخ ایسترم
.
.
#من_عاشق_شهادتم_امامیمی_چوخ_ایسترم
#ترکی
.
✍️ #زبدةالاشعار ✍️
.
🆔: @nohe_torki
نظر دهید