عبرت های روزگار
#گریز به #کربلا
.
✍️ #زبدةالاشعار ✍️
.
🆔: @nohe_torki
.
مرحوم حاج عبداله رضایی ( #غمکش )
.
خواب غفلتدن بیر عده خلق بیدار اولمادی
سامری سیرت جماعت چونکه هوشیار اولمادی
.
بو همان دنیادی غرق ایتدی ئوزونده چوخلارین
بیر کسه دل یاندیروب عالمده غم خوار اولمادی
.
آدم و حوّا بهشتن یوخ رجوعیم چیخدلار
گوز یاشی آخدی عذاره دل گرفتار اولمادی
.
انبیالر رهنما گلدی همین بو اُمته
انبیایه حیف اولا چوخلار طرفدار اولمادی
.
سر گذشت یوسف و یعقوبی قرآن وصف ایدوب
یوسفه اون قارداشی گرگ ستمکار اولمادی؟
.
سالدلار چاهه اولار پیغمبری گوردوز نجه
چاهیده الله اونی حفظ ایله دی خوار اولمادی
.
بیر یل اسدی اشتران کاروانی لنگ ایدوب
سوی چاه تلخه آیا راه هموار اولمادی
.
مالک اقبالینده اوّل گورمدی بختین قمر
وعدۀ حق آشکار و کشف اَسرار اولمادی
.
یوسفین قارداشلاریندان آلدی زیبا یوسفی
چون اوجوز آلدی اوجوز ساتدی طلب کار اولمادی
.
گتدی بازاره نه بیلسون گنج پر قیمت واری
نه فقط مالک اولوب حالی نه بازار اولمادی
.
گوردولر صورت نه صورت بیر ایشیقلی ماه دور
شرم ایدوب بیر عده یوسفدن خریدار اولمادی
.
سالدی زندانه نمک نشناسلر پیغمبرین
معجزاتین گوردولر چوخلار طرفدار اولمادی
.
یوسفه الله ولایت ویردی شهر مصریده
قتلینه اقدام ایدنلر شمر غدار اولمادی
.
.
بو ردیف قافیه ذهنیمده محشر ایله دی
شعریمی وقت گریزینده منیم زر ایله دی
.
.
امت نادان نه لر ایتدی پیمبردن صورا
آیرلوبلار بیر به بیر یکسر یانان دردن صورا
.
نقشه چکدی مرتضایه مسجد و محرابیده
بی وفا امت، خانم زهرای اطهردن صورا
.
حیدر کرّاری مسجده شهید ایتدی اولار
مجتبی قان آغلادی دنیاده حیدردن صورا
.
لعنت اولسون نسل بوسفیانه یازدیم هر زمان
گورنه محشر سالدیلار احباب منبردن صورا
.
کربلا گلدی وجوده شاه دین اولدی علم
من بویوردی حقّم عالمده پیمبردن صورا
.
یوخدی باکیم کل عالم چکسه نقشه قتلیمه
آند اولا یانموش دره الله اکبردن صورا
.
قویمارام قرآن و دین پامال اولا بو دهریده
کول بو دنیا باشینه شهزاده اکبردن صورا
.
حکم قرآن گل آچوبدی قانه باتموش سینه ده
دوغرانار الله یولوندا قاسم اکبردن صورا
.
اصغریم وار عرشه زینتدی گوزل قانی بونون
اوت ویرار عالملره سردار لشگردن صورا
.
قانلی مقتلده آخان قانیمله آلام دستماز
زینبیم ایلر قیامت شمر کافردن صورا
.
کوینگیم غارت اولار اوخلار بولنده سینه می
کهنه پیراهن اولار خارج بو پیکردن صورا
.
شرح حال مطلبی یازدیم اگرچه مختصر
یا حسین سسلر هامی چون عشق و باوردن صورا
.
راه عشقی کربلاده من نشان ویردیم سیزه
تا شهادت زنده اولسون بلکه بیزلردن صورا
.
لا دیمز حقّه اوکی آزاده انساندور یقین
حکم قرآن ثبت اولوب ساقی کوثردن صورا
.
حاصل عمریمدی یارب هامّیسی قربان سنه
یاندیرار الله غمیم خلقی بو اللردن صورا
.
دعوت حق ایلدیم من اُمّتی سن شاهد اُول
رحم ایدن آیا اولار اطفاله خنجردن صورا
.
یازدی خامه «غمکشا» سن باخبر اُول دهریده
آغلیان یوخ نصف شب تنها بو گوزلردن صورا
.
.
#پندیات
#حسینیه_عاشورا
#خواب_غفلتدن_بیر_عده_خلق_بیدار_اولمادی
#زمزمه_های_محرم_غمکش
#ترکی
.
✍️ #زبدةالاشعار ✍️
.
🆔: @nohe_torki
نظر دهید