اربعین – آرزوی کربلا
.
✍️ #زبدةالاشعار ✍️
.
🆔: @nohe_torki
.
مرحوم صحاف تبریزی
.
خوشا او کیمسه لرین عزّت و سعادتینه
موفّق اولدولا بو اربعین زیارتینه
.
گیچنده واجبی اعمالی ، قادرِ متعال
حسین زیارتین ایلوبدی افضلِ اعمال
.
قالوب بو نکته ده حیران عوالمِ امکان
آتام آنام اولا ششگوشه قبرینه قربان
.
عجب مقامیدی زوّاریده جلالته باخ
تصوّر ایله مقاماتینی شرافته باخ
.
بیوردی صادق آلِ محمّدی بو سوزی
زیارت ایلر حسینی خدای عالم اوزی
.
اولاندا هر شبِ جمعه نزولِ رحمت ایدر
خدا ازلده اوزی جدّیمی زیارت ایدر
.
پیمبرانِ اُلوالعَزم و مرسلین ، صف صف
قویالّا صبحه کیمی یوز او قبرِ پاکه طرف
.
او تحتِ قُبّه ده رخصت ویرولّه گوز یاشینا
طواف ایدلّه او ششگوشه قبرینون باشینا
.
باخالّا سینه سی اوسته علیّ اصغرینه
گلولّه نالیه پائینِ پاده اکبرینه
.
ایدلّه درک ِحضورِ شهنشهِ ناسی
باسالّا جان کیمی آغوشه قبرِ عبّاسی
.
بیله جلال و شرافت ، بیله مقام اولماز
قیامته کیمی شرح اولسا اختتام اولماز
.
زیارت ایلیه هر کیم حسینی عالمده
زیارت ایلیوب آللهی عرشِ اعظمده
.
بو سوز که عرض ایدورم عمده سوزلرین گوزیدور
عزیزِ فاطمه ، شاهِ شهیدون اوز سوزیدور
.
منی زیارت ایدن کس به نیّتِ قربت
گورر یانیندا منی قبرده شبِ وحشت
.
او تنگ یرده اونی منده بازدید ایدرم
علاوه روزِ قیامتده رو سفید ایدرم
.
نچه صفت که اولار مؤمنین علامتیدی
بیریسده بو شَهین اربعین زیارتیدی
.
او وقتدن که بو شه نائلِ شهادت اولوب
مزاری شیعه لره مقصدِ زیارت اولوب
.
بو تشنه کامی زیارت ایدن نقدری که وار
اوز اهلِ بیتی کیمی اولمیوبدی بیر زوّار
.
او گونکه کرب و بلایه یتیشدی آل الله
اوجالدی فرشدن عرشِ برینه ناله و آه
.
#کربلا_آرزوی_کربلا
#خوشا_او_کیمسه_لرین_عزت_و_سعادتینه
#ترکی
.
✍️ #زبدةالاشعار ✍️
.
🆔: @nohe_torki
نظر دهید