خون احمردور جداده باشیمه تاجیم باجی #وداع_ثابت_اردبیلی

وداع امام حسین (ع)
.
✍️ #زبدةالاشعار ✍️
.
🆔: @nohe_torki
.
ثابت اردبیلی
.
خون احمردور جداده باشیمه تاجیم باجی
مهر اولوب روز ازل حکمتده معراجیم باجی
.
.
عاشقم محتاج جانان جانی قربان ایتمگه
نیزه ده قانلو باشیم تفسیر قرآن ایتمگه
گلمیشم اللهیلن بیر عهد و پیمان ایتمگه
عاشقم پیکان عشقه واردور آماجیم باجی
.
.
گون دوشه اود یاندرا اوخ یاره سین قان شربتیم
چون شهادتده بو امضادور قیامت قیمتیم
لوح اعلایه یازیلمیش قانیله کیفیتیم
عشقلر چانماز بو عشقه عشق بهّاجیم باج
.
.
سینۀ زهراده بسلنمیش بدن باتسون قانا
ایلرم اللهه دعوت شرط وار دل اوخلانا
علم صندوقی سینا سینم شکاف اولسون اونا
باغلادی احرام منای بیت حجّاجیم باجی
.
.
دایر اولدی عاشقه زهرا قزی میدان عشق
غرق ایدنمز عاشقی موج ایلسه طوفان عشق
قان حسینون قانیدور محشر گونی درمان عشق
بارگاهیم نیزه دور درگاه تاراجیم باجی
.
.
قتلگاهی ایلرم خلوت ایدم راز و نیاز
قانیلن باش وئرمگه آخر نمازه دستماز
گون قباقینده رکوع حالینده آلّام امتیاز
نور واحد قلبم اولموش نوره محتاجیم باجی
.
.
هنده نون اوغلی گوروب عشق حسینی جاودان
قبله گاه کعب ام باش اندروبدور قدسیان
خلق اولونموش حجّتم ایتدی دلی الله مکان
شهر یثربدن واریم دنیاده اخراجیم باجی
.
.
ثابتا یاز حکمتی بیردور حسین قرآنیلن
بیر اذان وئردی او باشسیز پیکر عریانیلن
ناقه لر فوراً دایاندی فرقۀ عدوانیلن
شه دیدی من باش وئروم قوی باش آچاباجیم باجی
.
.
.
.
#وداع_ثابت_اردبیلی
#حسینیه_وداع
#خون_احمردور_جداده_باشیمه_تاجیم_باجی
#ترکی
.
✍️ #زبدةالاشعار ✍️
.
🆔: @nohe_torki