زبدةالاشعار

خیمه دن دخت علی گوردیله میدانه گلور #قتلگاه #اعظمی_تبریزی

آمدن حضرت زینب کبری (س) به قتلگاه بر سر بالین برادر
.
✍️ #زبدةالاشعار ✍️
.
🆔: @nohe_torki
.
مرحوم اعظمی تبریزی
.
خیمه دن دخت علی گوردیله میدانه گلور
دیه سن یانماقا اوز شمعنه پروانه گلور
.
.
کوفه ده قانه باتان گون آتاسی شیر خدا
مسجده گئتماقنا مانع اولوب شرم و حیا
کربلاده نه دور علّت بو دُر کنز حیا
اللری باشدا گئدیر خیمیه میدانه گلور
.
.
دلده کی سوز غمی یاندرور افلاکی یاخور
یتشوب تلّه یوزه گوز یاشی دریا تک آخور
یارالی قارداشنا بویلانور حسرتله باخور
گوروری شمر دنی مصرع سلطانه گلور
.
.
گون کیمی اولدی عیان شرق خیمدن او زمان
یوز قویوب قتلگهه دخت شهنشاه جهان
زینبین عشقنه حیرتده قالوب کون و مکان
شیر تک رزمگهه بسکه دلیرانه گلور
.
.
اوج صبر استه وفا پرچمی همّتله ساچور
دلده کی عشق دلیلی ره مقصودی آچور
اللرین باشه قویوب گاهی یرور گاهی قاچور
اود سالور نُه فلکه ایله یانا یانه گلور
.
.
دلده کی عشقینی عالملره اعلان ویروری
قلب مجروحی گوتوردوقجه قدم قان ویروری
گوروری قارداشی میداندا سوسوز جان ویروری
اشکیله سو سپه لعل شه عطشانه گلور
.
.
سعی ایدور قارداشنا بلکه اوزین تیز یتوره
دلده هجران یاراسین مرهم وصلی بتوره
دختر شیر خدادور اوزین حاشا ایتوره
عرصه گاهه ایله زهرا قیزی مردانه گلور
.
.
سانما بیر ذرّه وقارین پوزوب اول گوهر پاک
کوکب برج شهامتدی دیمه ایلوری باک
حالی پوزقوندی یاخوندور ایلسون غصّه هلاک
پوزقون احوالینی هر کیم گورور افغانه گلور
.
.
روز امّید آچان وقتده تیره شبه یول
اوزینی لشکره ووردی آچا تا مطلبه یول
گوردی بو حالی قشون اهلی آچوب زینبه یول
بولدولر عشق شراری سالوب اود جانه گلور
.
.
بیر بیره سویلدی بو فاطمه ریحانه سیدور
گورموسوز باک ایلمور چون علی دردانه سیدور
قارداشی شمع وفادور بودا پروانه سیدور
عالمه ایله نه بیر شمع و نه پروانه گلور
.
.
گر دیساخ حوریدی یوخ حوریده بو پایه ی شور
عشق سرمشقنی بوندان گرک آلسون هامی حور
گوروری قتلگهی چولقالیوب شعله ی نور
ظلمت غمدن اودور روضه ی رضوانه گلور
.
.
قلبی اودلار اورگی اولسا غریبین یارالی
دوزه بولمز گوره محبوب حبیبین یارالی
عشق بیماری او دم تاپدی طبیبین یارالی
نه طبیب حشره تک عالم اونا درمانه گلور
.
.
ایستدی قتلگه عشقه خانم سالسون اوزین
یارالی قارداشنا شرح ایلسون دلده سوزون
باغبان چمن عشق آچوب قانلو گوزین
نه گوروب بلبل غم غملی گلستانه گلور
.
.
سسلدی سالدون عجب وقته منی یاده باجی
یالقوزام بولدون اودور گلموسن امداده باجی
آشنا اول غمه گلمه بیله فریاده باجی
سیل گوزون یاشنی چوخ آغلاما بیگانه گلور
.
.
بیر سوزوم واردی باجی عمده وصیّتدی سنه
سویگلی نازلی رقیّم چون امانتدی سنه
جان سنون جان بالامون گرچه اذیّتدی سنه
آغلارام نالیه گورسم من او دردانه گلور
.
.
گوردی شه آز قالوری عمر گلستانی سولا
گل رضا اولمادی بلبل گوزی اشکیله دولا
خیمیه بیر دلیله زینبنی سالدی یولا
ایله قارداش باجی گور عالم امکانه گلور؟
.
.
دئمه قارداشدان او دمده باجی دویدی گئدیری
جسمیدن مهر و وفا رختینی سویدی گئدیری
قتلگه ایچره ولی روحینی قویدی گئدیری
خیمه ده قارداشینا قورسون عزاخانه گلور
.
.
خیمه ده گوردیله گون باتدی قرا یللر اسر
بیر بیره سویلدی میداندا قیامتدی مگر
گوز تیکوبلر یولا حیران گوره لر وار نه خبر
گوردولر زینبین اللر بویانوب قانه گلور
.
.
یتدی خرگاهه خانم دوره سین آلدی بالالار
باغبان اولماسا واضحدی که گللر سارالار
دیه بولمور شه ئولوب قلب لرین غم یارالار
بو محن ایله گران زینب نالانه گلور …
.
.
یوز دوتوب حضرت کلثومه دیدی آغلا باجی
ویردی جان شاه زمن سینوی گل داغلا باجی
دستگیر اولماقا محکم بیلوی باغلا باجی
دیمه بیرده باشوین محنتی پایانه گلور
.
.
قوردی بیر بزم عزا زینب آی اولدوزلاریلن
نی کیمی داده گلوب لیلی اوغولسوزلاریلن
قول بویون اولدی رقیّه بالا قیزلاریلن
گور ایله بزم عزا بیرده بو دورانه گلور
.
.
آغلاشوردی بالالار گوردوله بیر سس اوجالوب
ازدحامیله گلولَّه گورن حیرتده قالوب
بیر بیره سویلدیلر کیمدی بولار یاده سالوب
تسلیت ویرماقا بو جمع پریشانه گلور
.
.
دیدیلر یوخدی بیزیم بیر کسیمیز داده گله
باغبان اولماسا کیم همدم اولار غنچه گله
فکر ایدوللر نه حکایتدی گلوب مطلب اله
گوردولر لشکر کین خیمیه تالانه گلور
.
.
دیمورم عشقون او گون قافله سی دوشدی گجه
لیک بولمم نجه زینب گونوزی ایتدی گئجه
او یانان خیمه ده زهرا بالاسی یاتدی نجه؟
یانسون هانسی غمه زینب غمی گور سانه گلور؟
.
.
یوخدور عبّاس اوزی مخیمده ویروردی گئجه پاس
گوردی بیر آتلی گلور لیک گیوب قاره لباس
دیدی دشمندی گلور غارته یوخ بیزده لباس
گئجه وقتی حرمه کیمدی نه عنوانه گلور؟
.
.
فکر ایدور کیمدی بو آتلی گوره سن یاللعجب
تا یاخونلاشدی گوروب اوز آتاسی شاه عرب
سسلنور قورخما قیزیم زینب ایا کان ادب
مرتضی دور خِیَمَه شام غریبانه گلور
.
.
ای سلیمان وفا ای شه اقلیم محن
درگهوندن الی بوش ایلمه سن سائلی سن
الده بیر پای ملخ تحفه سی ای شاه زمن
مور تک «اعظمی» درگاه سلیمانه گلور
.
.
#قتلگاه #اعظمی_تبریزی
#حسینیه_حسینیه_شهادت
#خیمه_دن_دخت_علی_گوردیله_میدانه_گلور
#ترکی  
.
✍️ #زبدةالاشعار ✍️
.
🆔: @nohe_torki

متن پیشنهادی:  آچ گوزلرین ای ناطق قرآن حسن جان #حسنیه_رضوی_زنجانی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی