داده گل قارداش حسین جلاد الیندن آل منی #عباسیه_کهنمویی

استمداد حضرت ابوالفضل (ع)
.
#زبدةالاشعار
.
: @nohe_torki
.
مرحوم کهنمویی
.
داده گل قارداش حسین جلاد الیندن آل منی
قوللاریم تپراقلار اوسته پیشواز ایلر سنی
.
.
ایتدیم ایفای وظیفه گرچه یتدیم ایمنه
باشیم اوسته گلمینجه ویرمرم باش دشمنه
سن فدای دین حق سن منده قربانم سنه
تیز یتیش فریاده گل دفع ایله مندن دشمنی
.
.
اولسا هر ملت متاع ظلم و کفره مشتری
عاقبت توهین ایدر دینه اولار دینه جری
اهل حقّی ایلوری بو قوم حقّندن بری
صاحب تخت سلیمان ایتدیلر اهریمنی
.
.
عاشق صادق اودور هر محنت و رنجه دوزه
اولمیا تسلیم دشمن باش و جاندان ال اوزه
گوگلوم ایستورصون نفسده بیر قوییدوخ یوز یوزه
هارداسان گل ای وفا کانی مروّت معدنی
.
.
جدّیمیز گتدی بو دینی خلق گمراه اولماسون
پیرو قرآن و حق اولسون، هواخواه اولماسون
نفسنه بنده اولانلار ایستور الله اولماسون
ایلسونلر هر نه که امر ایلسه نفس دنی
.
.
دیننه قربان اولار دنیاده هر مرد غیور
قوّۀ ایمانی آرتار آرتا هر نه ظلم و زور
شکر لله ایتمدیم انجام خدمتده قصور
پیکریم اولدی خدنگ و تیر دشمن مخزنی
.
.
من سو اوستنده سوسوز اطفاله پیمان ویرمشم
آلمشام بیر مشگ سو قول ویرمشم جان ویرمشم
حفظ مشگ اوسته گلن پیکانه امکان ویرمشم
آچمشام عنقا کیمی پر، اولدوم اوخلار مسکنی
.
.
بو جماعت دین آدین دللرده عنوان ایتدیلر
اهل دینی ئولدوروب توهین قرآن ایتدیلر
تشنه لب سقانی، مشگی تیره باران ایتدیلر
تا خزان اولسون سوسوزدان آل طاها گلشنی
.
.
اوخ دگنده مشگیمه مشگ آغلادی من آغلادیم
قوللاریم گئتدی توکوب گوز یاشی گوزدن آغلادیم
بو سبیدی که سنی تک قویدی دشمن آغلادیم
یوخ الیم گل گوزلریمدن سیل سرشگ دیده نی
.
.
کهنموئی هر کیم ایتسه مستحباته عمل
واجبی ایلر مقدم حفظ واجبدور ازل
ترک ائله هر مستحبی واجبه وورسا خلل
ایلمه عصیانله آلوده هرگز دامنی
.
.
#عباسیه_کهنمویی
#عباسیه_شهادت
#داده_گل_قارداش_حسین_جلاد_الیندن_آل_منی
#ترکی
.
#زبدةالاشعار
.
: @nohe_torki