داریدن چیخدی مسیحا چرخ دوّار اوستونه #کوفه_بیضا_اردبیلی

کوفه
.
#زبدةالاشعار
.
: @nohe_torki
.
#سبک_زینبم_جان_اوستیم … 4 سبک
.
مرحوم بیضا اردبیلی
.
داریدن چیخدی مسیحا چرخ دوّار اوستونه
شوقیله اوج ایلدی رأس حسین دار اوستونه
.
.
کوچه و بازاریده سیر ائتدی کوی و برزنی
حقّی اثبات ایلدی رسوا ائدوب اهریمنی
گوردی بو اعجازی دوشدی وحشته قوم دنی
اول کسوک باشیله گلدی بیرده پیکار اوستونه
.
.
گه چکوب دیر نصارایه او قوم بی امان
گه تنور خولیده، گه نیزه ده وئردی مکان
گه دوداقیندن ئوپوب طشت ایچره چوب خیزران
گاه پرتاب ائتدیلر دار اوسته داشلار اوستونه
.
.
گزدیروب هر معبر و هر کوچه و بازاریده
گوردولر سسلر او باش انّی اَنَا الحَق داریده
آیۀ قرآن تلاوت ائتجگین انظاریده
باطناً ملت توکولدی قوم خونخوار اوستونه
.
.
زمزمه تجمیع اولوب قوزاندی اولدی همهمه
بعضی لر بو صحنه نی درک ائتدی باتدی ماتمه
سویلدی من وئرمیشم فرمان عفوی آدمه
آدم و حوّانی من گتدیم بو معیار اوستونه
.
.
من همانم نوحه وئردیم خشم طوفاندان نجات
یونسه کام نهنگی ایلدیم مهد حیات
یوسفی زندانیدن ائتدیم عزیز کائنات
گر چه قارداشلار اونی چکمیشدی بازار اوستونه
.
.
صبر درسین من دیوب ایّوبه تدریس ائتمیشم
درد هجره دوزمگی یعقوبه تسلیم ائتمیشم
نقشۀ آب حیاطی خضره ترسیم ائتمیشم
رأس یحیانی گتیردیم شور سرشار اوستونه
.
.
قدرت احیای نفسی وئردیم عیسی جاهیمه
موسیه عمرانیدن فرعونه سالدیم واهمه
ناری اشجار ایلدیم من حضرت ابراهیمه
قویمادیم ابراهیمی دوشسون او گون نار اوستونه
.
.
سیر ائدن افکار تاریخی بیلون یکسر منم
جسم عالم روح خاتم سر پیغمبر منم
گوهر زهرا منم جان دل حیدر منم
گلمیشم ایندی جدال اوستونده گفتار اوستونه
.
.
اکبریم کربوبلا دشتینده می دن سیر اولوب
قاسمین طوی ساعتینده اوینیان شمشیر اولوب
اصغری سیراب ائدن اوچ شعبه لی بیر تیر اولوب
گلمیوب عبّاسمین اوخ زخمی آمار اوستونه
.
.
اکبرون باشینه هر خنجر دیوب بیر گول آچوب
قاسیمون پیکانیلر گیسولرین تل تل آچوب
اوخ گلوب اصغر بوغازینه دَینده دیل آچوب
دوشدی عبّاسون ایکی قولّاری قوملار اوستونه
.
.
اکبرون هر تار زلفیندن اوزوندن قان آخوب
اللره قاسم عروسی طوی حنا قاندان یاخوب
اصغریم قان نوش ائدنده آسمانه بیر باخوب
گلمیش عبّاسون عمودیله، تبهکار اوستونه
.
.
چکدی صف بیر سمتیده آتلی پیاده پیل وار
گوردیلر یوخدی وزیری رنگ رُخ زرّین نگار
عرصۀ شطرنجیده شَه مات اولوبدور شاهوار
کیش ائدنده دوشدی سس هر دشت و کوهسار اوستونه
.
.
قویمیوب قویماز حسینون عشقینی «بیضا» یئره
عرشیدن یاغسا یاغیش تک تهمت و فتوا یئره
آلمیشام من شهدن اجریم سالما سس بیجا یئره
بسدی آز شمشیر چک اول شاه ابرار اوستونه
.
.
#کوفه_بیضا_اردبیلی
#داریدن_چیخدی_مسیحا_چرخ_دوار_اوستونه
#ترکی
.
#زبدةالاشعار
.
: @nohe_torki