یاحسین ای کربلاسی باغ رضواندان گوزل #حسینیه_نصیری_میانجی

در مراتب حضرت حسین(ع)
..
..
محمدرضا نصیری میانجی
..
..
یاحسین ای کربلاسی باغ رضواندان گوزل
قتلگاه غم فضاسی مین گلستاندان گوزل
..
آدیوون فیضی وئرن هر دم طراوت گلشنه
آلنوون قان ژاله سی لعل بدخشاندان گوزل
..
مکتب اولدی مقتل ایثار او گون راز اهلینه
عشقیده حکمت کتابین یازدون عرفاندان گوزل
..
مسند حکمی قویوب سالدون شرف سجّاده سین
عالمه فرمانروا اولدون سلیماندان گوزل
..
اللرون اوسته گورنده کربلا حق جلوه سین
صودامر عاشق اموب پیکانی پستاندان گوزل
..
پارچالانمیش لبلری قویدون کسیلمیش حنجره
یوخدور عالمده بئله بیمار و درماندان گوزل
..
گوزلریندن سوز یاغیب اول سوزلر حکمتدن آخیب
قانی مرجاندان گوزل سیماسی جیراندان گوزل
..
بدو خلقتدن منای خون نمای عشقیده
هانسی قرباندور اولا بو تشنه قرباندان گوزل
..
غملی شاعردور نصیری یاحسین درگاهوه
یوخ عناوین جهاندا بِیله عنواندان گوزل
..
#حسینیه #نصیری_میانجی #حسینیه_مدح #ترکی #زبدةالاشعار