رجز غارت خیام
.
#زبدةالاشعار
.
: @nohe_torki
.
مرحوم حقیر خویی
.
داغیلدی ظلمیله پرگار زینب
پوزولدی رونق بازار زینب
.
.
یتیشدی بیر به بیر قتله جوانلار
فرات اوسته دوشوب قولسوز علمدار
گئدوب الدن هامی اعوان و انصار
قالوب بی مونس و غمخوار زینب
.
.
دئیردی هارداسان ای شاه بطحا
قالوب دشمن ایچنده آل طاها
سویولار اهل بیتین قوم اعدا
علاج ایله قالوب ناچار زینب
.
.
تالاندی خیملر باغلاندی قولار
حرم آهولری اولدی گرفتار
اسیرو بسته زنجیرکفار
اولوب چون عابد بیمار زینب
.
.
باخاردی هریانا میدان ایچنده
گورردی تک اوزین عدوان ایچنده
نه گوردی غسلوسوز آلقان ایچنده
دوشوب بی سرشه بی یار زینب
.
.
او دم وئردی اجازه گوزیاشینا
سپوب توپراقلاری اول وقت باشینا
خطاب ایتدی یارالی قارداشینا
دور ای آرام قلب زار زینب
.
.
گوز آچ گورنه قیامتدور برادر
ائدوله چوخ جسارت بیزه لشکر
تسلّی ویر دوشوب خوفه حرملر
ائده دردین کیمه اظهار زینب
.
.
سکینه گوزیاشیله کاروانی
ووروب لنگه چیخوب عرشه فغانی
ایاقه دور دگل ئولماق زمانی
اویان ای قافله سالار زینب
.
.
ندن یتمز بو سس شیر خدایه
او قدراولمازمسافت کربلایه
خدایا بس ندن گلمورهرایه
نجفدن حیدرکرار زینب
.
.
#غارت_خیام_حقیر_خویی
#داغیلدی_ظلمیله_پرگار_زینب
#ترکی
.
#زبدةالاشعار
.
: @nohe_torki
نظر دهید