زبانحال حضرت زینب (س) در کوچ از کربلا
.
✍️ #زبدةالاشعار ✍️
.
🆔: @nohe_torki
.
مرحوم نادری میانجی
.
ای قویان علقمده عباسی نگهبان یا حسین
زینبی شامه ئوزی میداندا عریان یا حسین
.
.
یاخشی محتاج ایلدون یانمیش خیامه زینبی
شمر گور یولاندیرور بازار شامه زینبی
قویدولار حسرت سنون تک بیر امامه زینبی
باغبان گیتدی سولوب گل شامه گلشن سیز گیدوم
جانسنه قربان حسینیم بسنجه سن سیز گیدوم
.
.
قالموشام دشمن ایچنده یوخ رکابیمدن دوتان
یوخ بنی هاشم آلوبدور دوره می شمر و سنان
وای منه قارداش، هانی بو شمر تک ایولر یخان؟
اللی بش ایل عمرایدوب ، گورمزدی زینب آفتاب
بس نیجه شامه گیدوم من ایپ قولومدا بی حجاب ؟
.
.
گیتمرم من شامه قارداش گر علمدار اولماسا
اکبر مه پیکریم گر یار و غمخوار اولماسا
قافله سالار ئوزون قاسم جلو دار اولماسا
عزتیله گلمیشم من خوار و نالان گیتمرم
اولسا چارم یا حسین من شمره مهمان گیتمرم
.
.
شامیلر شادی ایدوب طعنه ایده للر زینبه
لا ابالی بی وفا هر سوز دیللر زینبه
نعشوی یرده قویوب گیتسم گوللر زینبه
قویسالار تابوتون اوسته سس چکوبلای لای دیوم
باش آچوب زلفوم یولوم بیچاره قارداشوای دیوم
.
.
بلمرم قارداش نه اولدی , سن وفالیدون منه
ال چکوب تاپشورموسان من بینوانی دشمنه
سن ندن بی مهر اولوبسان زینبون قربان سنه
کیم اولار من تک بو چولده شمعوون پروانه سی
عاقله زینب اولوبدور عشقوون دیوانه سی
.
.
زینبم قدیم اگیلمیش دربدر بی خانمان
بیر بولوک عورت یتیم قیزلا پوزولموش کاروان
حرمله خولی مراقب شمر اولوبدور ساربان
عفو قیل وقت ملاقاتیم اولار ایندی تمام
الوداع ای قوملار اوستونده یاتان یالقوز امام
.
.
«نادری» یاز کربلا مهمانی تاپشوردوم سنه
یاخشی ساخلا بو سوسوز قربانی تاپشوردوم سنه
گون او گونده پیکر عریانی تاپشوردوم سنه
جان سنون جان بو حسینون ای شهیدلر مدفنی
ایلدون بی خانمان شاماته گوندردون منی
.
#کوچ_کربلا #نادری
#قتلگاه
#ای_قویان_علقمده_عباسی_نگهبان_یاحسین
#ترکی
.
✍️ #زبدةالاشعار ✍️
.
🆔: @nohe_torki
نظر دهید