دامارلاردا گلنده جوشه قانلار #اربعین_مهدی_نجفلو

اربعین
.
#زبدةالاشعار
.
: @nohe_torki
.
مهدی نجفلو
.
دامارلاردا گلنده جوشه قانلار
قیزار قانلار گلر شوره جوانلار
.
یاخینلاشمیش حسینون اربعینی
گلیبدیر شوره کم کم نوحه خوانلار
.
حسینیم وای حسینیم وای حسینیم
بیزیمله هم صدادیر آسمانلار
.
چکیبلر قاره عرشه ماتمینده
(حسینه یئرلر آغلار گویلر آغلار)
.
حسینون عشقینه قرآن یولوندا
باتوبدور قانینه چوخ قهرمانلار
.
دولوب ایران حسین عاشقلرینن
وئریبلر عاشقانه امتحانلار
.
اگر دوشسه یئری بیر یا حسینه
دولار یکسر بو گونده پادگانلار
.
حسیندور عالمین سلطانی والله
پوزانماز سازمانین سازمانلار
.
حسینون عشقی تک دنیاده نعمت!
یازانماز . یازمیوبدور سوز یازانلار
.
حسینسیز عالم دنیا فنادیر
بیاباندیر حسینسیز بوستانلار
.
حسینسیز جنتی نئیلیر حسینچی
بیزه لازمدی حفظ آرمانلار
.
حسینه یئرده قربان گویده قربان
اونو یاددان چیخاردانماز زمانلار
.
حسین اسطوره ی عشق و وفادی
بو سرّی درک ائدنمزلر نادانلار
.
حسین دنیاده بیر میزان محکدیر
سئچیلسینلر گرک یاخشی یامانلار
.
حسیندور مرز بین حق و باطل
قانار بو مطلبی الحق قانانلار
.
حسین عاشقلری سایسیزدی تایسیز
اونا زائردی هر گون کار وانلار
.
قوراندا شیعه هیئت ماتمینده
دینده روضه هر آن روضه خوانلار
.
نه تنها انس و جن بلکه ملائک
اونون عشقینده ائیله لّر فغانلار
.
(#نجفلو ) وار یئری بیر یولدا یازسان
(حسینه یئر لر اغلار گویلر اغلار)
.
(حسینون نوحه سین دلریش یازاندا)
(رسول مصطفی پیغمبر اغلار)
.
.
#اربعین_مهدی_نجفلو
#دامارلاردا_گلنده_جوشه_قانلار
#ترکی
.
#زبدةالاشعار
.
: @nohe_torki