اربعینوه گتوردوم باغریقانلاری حسینیم #اربعین_معزی_اردبیلی

اربعین
.
✍️ #زبدةالاشعار ✍️
.
🆔: @nohe_torki
.
مرحوم معزی اردبیلی
.
اربعینوه گتوردوم باغریقانلاری حسینیم
زائروندیلر دانیشدیر آغلیانلاری حسینیم
.
.
سن شهادته چاتاندان قلبیلر اولوب شکسته
قیزلاری گتیرمیشم من آلتی گوشه قبرون اوسته
گلمیوبلر اربعینه قولاری طنابه بسته
هجروون غمی یوروبدور مهربانلاری حسینیم
.
.
تیر محنته گئدندن سینه لر اولوب سپرلر
اهل بیت ختم مرسل قبر پاکیوی اوپرلر
یوخ گلاب و مشک و عنبر قبره گوز یاشین سپرلر
سن ئولن گونی داغیلدی آشیانلاری حسینیم
.
.
چادیرینده وئردی فرمان انتقامیدن دویانلار
سویدی قیزلارین طلاسین خیمه گاهوی سویانلار
حشریده گورر جزاسین قیزلاری یتیم قویانلار
تیتره در یتیمون آهی آسمانلاری حسینیم
.
.
تازیانه لر آچیلدی آل مصطفی ویرولدی
چکدیلر یانقلی آهی هانسی بینوا ویرولدی
شام و کوفه ده مکرر قلبیمه یارا ویرولدى
ویردیلار دوداقلاروندان خیزرانلاری حسینیم
.
.
قهرمان کربلایم فکریوه همیشه قالدیم
قانلی کوینگی عدودن شامیده دانیشدیم آلدیم
اربعین گونی گتیردوم قبر پاكون اوسته سالدیم
نهضتونده وئرمیشم من امتحانلاری حسینیم
.
.
شامه نازنین رقیون قلب ائوینده دردی گئتدی
سینه وون ال آتدی تیرین قتلگهده دردی گئتدی
ساچلارین آچوب یارالی سینون اوسته سردی گئتدی
آه چکدی آهی یخسون اوخ ویرانلاری حسینیم
.
.
یارووی دوداقدا گوردی عرشه الامانی چیخدی
اللرین او قدری ویردی لبلرینه قانی چیخدی
وای بابا دیدی اورکدن محضرونده جانی چیخدی
یغدی باشینه عزاسین ساخلیانلاری حسینیم
.
.
#اربعین_معزی_اردبیلی
#اربعینوه_گتوردوم_باغریقانلاری_حسینیم
#ترکی
.
✍️ #زبدةالاشعار ✍️
.
🆔: @nohe_torki