دفن شهدا
.
✍️ زبدة الاشعار ✍️
?: @nohe_torki
.
مرحوم تائب تبریزی
.
دفن و کفنه حضرت سجاد گلدی کوفه دن
گوردی واردی کربلا دشتینده بیر عالی صفا
.
باخدی اول قانلی بیابان ایله عطریله دولوب
عطر آپارور جنته هر دم اسور باد صبا
.
جویبار عشقدور دوشموش ایاقدان سرولر
گل کیمی خندان اولوب یتمیش ایکی گلگون قبا
.
تاپدی اوّلده آتا نعشین دولاندی باشینه
حلق مذبوحیندن اوپدی گوزه اشک پر بها
.
بولمورم آیری کفن تاپدی او عالی قامته
بیر حصیری چولقادی یا جسمینه اول مقتدا
.
بوتراب اوغلون ترابه تاپشیروب رمزا دیدی
توپراق اولسون باشینه بو عالمین سنسیز بابا
.
تاپدی اصغر نعشینی ویردی آتا آغوشینه
حشره تک یاتسون آتانین سینه سی اوسته بالا
.
دفن ائدوب پائین پاده شاهزاده اکبری
یاتدیلار بیر قبریده مظلوم اوغول مظلوم آتا
.
شمع دینین جمع ایدوب یتمیش ایکی پروانه سین
بیر مزاره قویدی جمعین بیر مزار ایتدی بنا
.
یعنی بو بیر جمع دور جانلاری بیرقانلاری بیر
اوزلری بیر سوزلری بیر بیر مرامه آشنا
.
جامه سرخ شهادت سرخ صحراده گیوب
سرخ رو ئوز جانلارین اسلامه ایلوبلر فدا
.
یوز قویوب سمت فراته دیده خونباریله
حالی چوخ پوزقون شکسته نی کیمی دیلده نوا
.
جویبار عشق ایدوب گوردی کنار علقمی
قان آرا دوشموش او سرو بوستان مرتضا
.
بی مروتلر قریبلار قول بوداقین ظلمیله
خار تیریله دولوب گل پیکری باشدان باشا
.
نیزه پوش اولموش وجودی گل کیمی اوراق دور
گلموری اعضا اله حملی اونون امکان تاپا
.
دوشدوقی یرده قازوب بیر خیردا مدفن آغلادی
اوز عموسین قویدی قبره اودلی دیده آه و وا
.
گتدی قویدی سینه سی اوسته کسیلمیش اللرین
تا او اللر خدمتینده شاهد عدلین اولا
.
ای صبا ام البنینه ویر خبر قان اغلاسن
خیرداجا بیر قبریده یاتدی ایله قد رسا
.
(تائبا) یوردی سنی پیر ایلدی بو چرخ پیر
قدیوی بوکدی او موزون قامتون ایتدی دو تا
.
دلده ذکر کربلا اوز گونلرون ویردون باشا
گیتدی عمرون قالدی دلده آرزوی کربلا
.
دامن عباسی دوت یالوار اوزی ایستر سنی
گیت ضریحیندن یاپوش اهل عزانی قیل دعا
ــــــــــــــ
متن کامل این شعر در حالات «شام غریبان حضرت علی علیه السلام» را در هشتک زیر مشاهده بفرمایید:
#آتدی_دنیانی_گوزوندن_تاجدار_هل_اتی
ــــــــــــــ
#دفن_شهدا
#دفن_و_کفنه_حضرت_سجاد_گلدی_کوفه_دن
#تائب_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید