جلالت حورای انسیه
.
زبدة الاشعار
.
: @nohe_torki
.
#محمد_هوشمند (مدهوش تبریزی)
.
دلیل خلقت عالم دی تاج نسوان دی
پیمبرین قیزیدی بیر نمونه انسان دی
.
گئجه گونوز دولانور باشینه زمین و زمان
که شمع مجلس وحد ت دی نور یزدان دی
.
خدا رضایتی وابسته دور رضایتینه
شفیع روز جزادور، عزیز جانان دی
.
دانیشدیقی سوزی مافوق دور خلایق دن
نفسی لری ایله بیل آیه آیه قرآن دی
.
مقام و منز لتین هاردا درک ائدر انسان
که برّ و بحر و قلم بو مقامه حیران دی
.
کیمین اورکده اولا سخت و چاره سیز دردی
آدینی سسله سه صدقیله درده درماندی
.
او آستانه سینین خادمی ملائک دی
گداسی درگهینین بوذریله سلمان دی
.
حیا و عفته معنا وئریب حیاتینده
حریم عصمت حقّه خانیم نگهبان دی
.
طویوندا سائیله وئردی لباس تازه سینی
عطاسی هر نقدر ذکر اولا فراوان دی
.
دییردی بو سوزی پیغمبر امین خدا
آتاسی بئیله وفالی بالایه قربان دی
.
جلال و شوکتی هم کُفو مرتضا علی دور
بهشت و دوزخه بیر بی بدیل میزان دور
.
هزار حیف ولی داندیلار جلالتینی
او اهل کفر که ظاهرلری مسلمان دی
.
جهاندان ائیله دی تا ختم مرسلین رحلت
بیر عده حقی دانیب ملک و ماله توغلاندی
.
علینین حقینی غصب ائتدیله ر جسارتیله
غدیرین حکمینی چوخلار بیله بیله داندی
.
قالیب نیامیده شمشیر وحدته خاطر
طناب مصلحته شیر حق باغلاندی
.
اوتوردی ائوده که نا حقله ائتمیسن بیعت
او نانجیب لر اود وردی درگهی یاندی
.
قاپی دالیندا او دمده خانیم دایانمیشدی
گوروب بو منظره نی قلب زاری اودلاندی
.
هجوم ائدوبله ملک اذن ایستین قاپییا
نه رسم دور بو خدایا بو ایش نه عنواندور
.
نه اولدی شرحینه هیچ بیر قلمده شرح اولماز
که میخ یازدیقی احکامیدن اورک قاندی
.
دایاندی ایش او یئره فضه نی چاغیردی خانیم
علینی سسلمه دی گر چه شیر دوران دی
.
ایاقلار آلتدا سولوب باغ و گلشن و غنچه
بو درد و محنته تا حشر دیده گریاندی
.
جانین ولایته خاطر خانم فدا ائله دی
بو عشق اهل ولایه دلیل و برهاندی
.
علی همیشه جهاندا غریب و مظلوم دور
اگر چه هر ایکی دنیاده میر و سلطان دی
.
قلم نوایه گلیب یوخ دیئن ندور علت
ندور دلیلی که زهرا مزاری پنهان دی
.
.
#فاطمیه_مدح
#دلیل_خلقت_عالم_دی_تاج_نسوان_دی
#مدهوش
#ترکی
.
#زبدةالاشعار
.
: @nohe_torki
نظر دهید