زبانحال حضرت رباب علیها سلام
.
✍️ #زبدةالاشعار ✍️
.
🆔: @nohe_torki
.
سبک_امید_و_سقای_حرم_اباالفضل
مشابه
.
سیفی اردبیلی
.
دل آچمیان غنچه دهانیم اصغر
دادیم دوزوم روح روانیم اصغر
الیم قالوب قوری دوشومده سن سیز
یانار فراق اودوندا جانیم اصغر
.
.
قرا گوزوم سوسوز هزاره لایلای
دوشلوگیقان بوغازی یاره لایلای
دویمامیشام بویووی اوخشاماقدان
اویان چالوم سنه دوباره لایلای
.
.
آز عمریمون گوزل بهاری لایلای
خمار باخیش خسته قناری لایلای
قوجاقیمون صود امّییََن جیرانی
ظلم اوخونون تشنه شکاری لایلای
.
.
قاتن آغلارام من سنه لایلای باشی
دیلسیز بالا بشیگون مرمر داشی
نیلمیشدوم سالدون منی گوزوندن
ائلیم گولوم غملریمون یولداشی
.
.
گوگده گیدن ستاره لر جدا دور
آرخام ائلیم کونلوم سنه فدادور
غم ایلمه سو غمی باشه چاتار
دیلسیزلره مطلب وئرن خدادور
.
.
سو اولیدوم کاش بو چوله آخیدوم
سن یِرِیدون منده سنه باخیدوم
کاش بیلیدوم بو چولده بد نظر وار
وَ اِن یکادی بوینووا تاخِیدوم
.
.
.
اوغول دیدیم سووا گتمه گورلَّلر
بویون گولدور تیکانچیلار درلَّلر
کوفه لی لر وفاسیزدی بیلیردوم
اودور دیدیم سنی مندن ایله لَّر
.
.
سنبل آچوب چمنلرده بویونجا
بوی بوخونون گورنمدیم دویونجا
جوان عمروم آلتی آیدا قوجالدی
سن بشیکدن ایاق یره قویونجا
.
.
سفره میزون ایتیردیلر دوزونی
باتیردیلار ربابون اولدوزونی
سنه گلن قادا گلیدی منه
من چکیدوم دردیوی ایل اوزونی
.
.
.
بوش بشگون ساخلارام دیزیم اوسته
وفالیام من سنه سوزوم اوسته
دیسه لر اصغرون گلدی سفردن
جان دیرم موشدولوق گوزوم اوسته
.
.
.
گجه گویه اولدوز گلر آی گلر
آی باتاندا اولدوزلارا های گلر
دنیا بویی اوغول دوغسا ننه لر
هاردان علی بیرده سنه تای گلر
.
.
.
تشنه جگر سویمه لی آهوی ناز
غمون چوخ اولدی دهریده سینّون آز
قلبیمی یاندیران نسگلون بودور
یارون درین اولدی مزارون داهاز
.
.
.
باغچا یلدن رخت خزان گینده
شاخه سینوب غنچه بوینون اَیَنده
وای دیرم نجه دوزوب اصغریم
بوغازینه زهریلی اوخ دگنده
.
.
یولوم دوشسه اکینلره کچنده
اوراغچیلار باغدا سنبل بیچنده
قلبیم یانار دوشوم دوشر آغریا
املیک قوزی بولاغدا سو ایچنده
.
.
.
سن سو دیدون اوخ سنیچون ایتدی ناز
نه غملیدی سو یارادان سوز و ساز
مین لر فرات آخسا بیزیم قاپودان
اوغول داغی اوره گیمده توختاماز
.
.
#اصغریه_سیفی_اردبیلی
#اوخشاما
#اصغریه_شهادت
#دل_آچمیان_غنچه_دهانیم_اصغر
#ترکی
.
✍️ #زبدةالاشعار ✍️
.
🆔: @nohe_torki
نظر دهید