یا مهدی
.
.
جعفر عباس نژاد
.
دل دام ابتلاده دی یا صاحب الزمان
دائم خدا خداده دی یا صاحب الزمان
.
ای منجی و رجای بشر عالمین گوزی
دست گره گشاده دی یاصاحب الزمان
.
عشق آشنالرینده دوزوم یوخ بو ظلمته
اهل ولا بلاده دی یاصاحب الزمان
.
هرآن بو غمده قلبی آقا قاندی شیعه نین
حق گولر ابتلااده دی یاصاحب الزمان
.
ای زائر شکسته دل دشت نینوا
عاشقلرون نواده دی یا صاحب الزمان
.
هجران غمی قوجالتدی بیزی یوردی انتظار
ال دامن دعاده دی یاصاحب الزمان
.
بیزتاب ائده ک بوآیریلیقا سنده دوز ولی
سوز درد بی دواده دی یاصاحب الزمان
.
مین دورت یوز ایلدی یرده قالیب قانی محسنین
اوقان هاچان اعاده دی یاصاحب الزمان
.
گویا یانیر هنوز او عدو اود ووران قاپی
فریاد نه سماده دی یا صاحب الزمان
.
تاریخ اوغملی صحنه نی حفظ الیوب سنه
ملک و ملک عزاده دی یاصاحب الزمان
.
یابن الحسن غریب آنوین ایندیده گوزی
آغلاردی ،آشناده دی یاصاحب الزمان
.
گیزلیندی خلقه فاطمه نین قدری قبری تک
شرح اولمیوب خفاده دی یاصاحب الزمان
.
غفلت شراری عشق وجودین چکیب اودا
احساس دست وپاده دی یاصاحب الزمان
.
ام الائمه قاتلی قارداش اولوب بیزه
اود خرمن وفاده دی یاصاحب الزمان
.
ای ذوالفقار پنجه ی حق چیخ نیامدن
حق گور نه انزواده دی یاصاحب الزمان
.
سن منتظر که شیعه نی یاسدان چیخارداسان
گل قلبیمیز بو هجرده قان اولدی هارداسان
.
.
.
#مهدیه #جعفر_عباس_نژاد #ترکی #زبدة|الاشعار
![](https://zobdatolashaar.ir/wp-content/uploads/2021/04/مهدیه27.jpg)
نظر دهید