حالات حضرت زهرا (س)
.
.
تیموری اردبیلی
.
.
رحلت او دم کی ایلدی طاها مدینه ده
مظلومه اولدی حضرت زهرا مدینه ده
.
یاندیردی قلب امّتی عالمده درد وغم
گوزیاشلی قالدی عترت طاها مدینه ده
.
دفن اولمامیش رسول خدانین جنازه سی
قوپدی خلافت اوسته نه غوغا مدینه ده
.
دلبستگانِ زور و حریصان سیم و زر
بیر فوق العاده قوردولا شورا مدینه ده
.
آچماقلیقا طریقه ی ظلمی بونوعیلن
حکم سقیفه اولدی مهیّا مدینه ده
.
اهل ولانی ایلدیلر حقیدن کنار
اهل جفانی ائتدیلر عظما مدینه ده
.
حقّین بناسین ایلدیلر ظلملن خراب
ظلم و جفانی ائتدیلر احیا مدینه ده
.
بیر حاله قالدی شیر خدا اَسدی اللری
یاندی بوغمده قلب احبّا مدینه ده
.
اوز منزلنده اولمادی راحت امیر عشق
قالدی نه حاله یکّه وتنها مدینه ده
.
شیرخدانین اللری باغلاندی ظلمیلن
گیزلندی حیف اولا چوخی گویا مدینه ده
.
مولایه بیعت ایلین اعراب بی وفا
ناحقّ طوماره وئردیلار امضا مدینه ده
.
گزلتدیلر چوخ آیه ی قرآنی حیف اولا
انکار اولا حقیقتِ مولا مدینه ده
.
راغب دگولدی میرهدا فتنه قوزانا
امت ایچینده دوشمیه دعوا مدینه ده
.
فرمایش ایتدی امتینه میر اولیاء
دشمن آماندی سالمیا بلوا مدینه ده
.
فتنه سالانلارین چوخی خارجدی دیندن
کافردن ایلیورله تقاضا مدینه ده
.
یوخدور شیوخ شهریده انصاف ومعرفت
معنا ائدور حقیقتی بیجا مدینه ده
.
روح الامین گلن قاپونی باغلیوب عدو
بی دین جماعت ائتدی تماشا مدینه ده
.
یاندیردیلار نه ظلمیله درگاه اقدسی
یاتدی ائوینده بعضی توانا مدینه ده
.
حقّین الیندن آلدیلا زهرای اطهرین
باخدی بیر عدّه صاحب تقوا مدینه ده
.
عالم دوشوبدی لرزیه حقّ اولدی پایمال
قانه باتوبدی سینه ی زهرا مدینه ده
.
فریاد ائدوبدی عالم معناده مصطفی
جان رسول عالمیان جانووه فدا
.
.
.
.
زهرا غمینده روح بشر یکسر آغلادی
عرشه اوجالدی ناله شه محشر آغلادی
.
قلبین یاراندا ظلمله مسمار اوخ کیمین
باخدی حسینه فاطمه ی اطهر آغلادی
.
خیرالنسا دوشنده یئره سینه سی یارا
دیوار غم نواسینه میخ در آغلادی
.
مظلومه اوندا کیمدی سینوب قول قابیرقاسی
خیرالنسایه یوخدی سوزوم کیملر آغلادی
.
امر ایلیوب خدا چکیله عرشینه قرا
زهراغمینده یازما قلم داور آغلادی
.
گنجینه ی شرافتی سیندیردی بی شرف
زر قدرینی جهاندا بیلن زرگر آغلادی
.
آیریلدی روح اقدسی جسم شریفدن
درک ائتدی رهبرین یارالی پیکرآغلادی
.
باخدی یارالی همسره وای دلبریم دئدی
دلدارینون مصیبتینه دلبر آغلادی
.
بیلدی وفالی دلبرینون چوخدی غصّه سی
حال بتوله حیدرِ غم پرور آغلادی
.
سسلندی جبرئیل امین ئولدی فاطمه
عمامه سین آلوب اله پیغمبر آغلادی
.
غمگین اولوبلا جنّت الاعلاده انبیا
کرّوبیان اونون غمینه یکسر آغلادی
.
سارا بوغمده وئردی تسلّی خدیجیه
شال عزا سالوب باشینا هاجر آغلادی
.
غسل ایلینده فاطمه نون گوردی یاره سین
قویدی الین اورک باشینا حیدر آغلادی
.
جور وجفای کوچه اودم دوشدی یادینه
گوردی ائلیکی یاره سین اُول سرور آغلادی
.
سیلی کبود ائدن اوزینه قویدی صورتین
آلنیندان اوپدی پادشه محشر آغلادی
.
قویدی یوزون قدملرینه شاه کربلا
اوپدی قدملرین او همایونفر آغلادی
.
عالم گلوب نوایه حسن سینه داغلیوب
زینب سالاندا باشه قرا معجر آغلادی
.
کلثومه باخ توکوب یوزونه قانلی گوز یاشین
غمگین گورنده قارداشینی خواهر آغلادی
.
یاندیردیلار ستمله ندن باب رحمتی
مسجد گلوب نوایه اودم منبر آغلادی
.
ناحقّ اولوبدی حقّ امامت مدینه ده
یازجاق قلم بو نوحه لری دفتر آغلادی
.
#علی_تیموری
#فاطمیه #فاطمیه_شهادت #ترکی #زبدةالاشعار
نظر دهید