اربعین
..
..
..
..
..
#سبک_آچیلدی_پرچم (بیش از 10 سبک)
مشابه
..
..
..
..
..
حاج اکبر غفاری زنجانی
..
..
..
..
..
دمشقدن بو بلالی زینب
گلوب حضوره سلامه قارداش
خرابه یردن قوتاردی قیزلار
چاتوب اسارت تمامه قارداش
..
چاتوب اسارت تمامه گلدیم
حضوره قارداش سلامه گلدیم
..
..
..
..
..
بو کربلادن گیدنده جسمون
یر اوسته قویدوم یارالی گیتدوم
نوایه گلدیم نوالی نی تک
سیزیلدادیم هی نوالی گیتدیم
باشیم قرالی اورک یارالی
او شهر شومه عزالی گیتدیم
دوباره گلدیم عزا و ماتم
ایدم بو یرده اقامه قارداش
..
..
..
..
..
ویریدی دشمن امان حسینیم
بو دلفکاره بو غمگساره
کفن ایدردیم بو آغ ساچیمدان
سنی قویاردیم ئوزوم مزاره
اسیریدیم من سپاه کفره
یوخیدی نیلوم الیمده چاره
نه چاره ایلر اسیر اولان گور
سپاه کفر و ظلامه قارداش
..
..
..
..
..
قالوبدی فکریم سنون یانوندا
سالوبدی اود غم بو جانه گیتدیم
اسیر ویردی سپاه دونه
منی بو دور زمانه گیتدیم
دولاندی غمدن بو اشک چشمیم
گوزومده سیل روانه گیتدیم
ایشقلی گوندوز گوزومده اوخشور
منیم بیلورسن که شامه قارداش
..
..
..
..
..
بلالی باشیم نلر چکوبدی
دیسم قان آغلار یاران بدنده
نه حاله قالدی ئوزون بیلورسن
خرابه شامی باجون گزنده
او بزم شرب یزید شومه
رسن قولومدا منیم گیدنه
پناه آپاردیم او وقت حساس
او قادر لاینامه قارداش
..
..
..
..
..
امان یزیدون جفالریندن
او مجلس ایچره جنایتیندن
او بیحیانون بیزه جفاسی
گیچوبدی حدّ و جنایتیندن
آغاج ویراندا دوداقلاریندان
اورکده بغض و عداوتیندن
او لبلریندن آخاندا قانین
چاتوردی گویا او کامه قارداش
..
..
..
..
..
او طشت ایچینده گوز آچدون اوندا
اسیر محنت ربابه باخدون
گهی او یردن ربابه قارداش
گهی بو قلب کبابه باخدون
گهی ربابون قولوندا گاهی
منیم قولومدا طنابه باخدون
دؤزوله گوردون بو اهل بیتون
طنابه باغلی نظامه قارداش
..
..
..
..
..
باخوب گوز آلتی او دم حرملر
سنه او ساعت باخان پوزولدی
ملول اولوبدی هامی اورکلر
طنابه باغلی زنان پوزولدی
گلوبدی زهرا آنام نوایه
مسلّم اهل جنان پوزولدی
بابام پیمبر بو ماجرادن
گوتوردی باشدان عمامه قارداش
دمشقدن بو بلالی زینب گلوب حضوره سلامه قارداش #اربعین_غفاری_زنجانی
نظر دهید