یاحسین عزیز زهرا – دوتوب عزّتین جهانی

«یه گوشه چشم تو بسه واسه حل مشکل من»
شور شبهای محرم
.
✍ زبدة الاشعار ✍
.
🆔:: @nohe_torki
.
.
محمد علی مصیبی تبریزی
.
.
یاحسین عزیز زهرا – دوتوب عزّتین جهانی
ئورگه صفا سالوبدی – بوریوبدی ماسوانی

یارالی! صفالی قبرین ملکوت عاشقاندی
او یری طواف ائدنلر سُفَرای آسماندی
آدی کربلادی امّا منه روضۀ جناندی
گوزومه ائدر مجسّم لَمَعات ِ کبریانی
.
.
.
سنون عشقیوین صفاسی گوزومه ضیادی مولا
ئورگه قرار و طاقت دیزیمه قوادی مولا
گئجه گوندوزاهل دردین سوزی کربلادی مولا
یانا یانه سسلیوللر او حریم جانفزانی
.
.
.
اسه جاق لوای عشقین نه قدرکی انس وجان وار
سنون آفتاب حُسنون یاناجاقدی تا جهان وار
ئورگیمده واردی آدین نه قدر بوتنده جان وار
منی سالدی درد ایاقدان سن ئوزون یتوردوانی
.
.
.
مَه بدرهاشمی سن کی جلا وئروبسن عرشه
توکولن قانین حسین جان یارادوب صفانی فرشه
باشیوا دولانیم آقا من اولوم فدا اونعشه
کی ائدوبدی کعبۀ جان او دیار کربلانی
.
.
.
سنی آند وئرّم آقا بیزی گل ، گوزوندن آتما
قاپووا گدا قبول ائت صف کوفیانه قاتما
بیزه قبر باصفانی کرم ایله چوخ یوباتما
کی ئورک فراق اودوندا آلیشوب یانارهرآنی
.
.
.
نه قلم ده واردی قدرت یازا کربلا مقالین
نه قولوم دا واردی طاقت چکه جلوه خصالین
نه «مصیّبی» دی لایق گوره شاهینین جمالین
گله باشیم اوسته ایکاش آقا،جان وئرن زمانی
.
.
.
.
#ورود_محرم #مصیبی_تبریزی
#آرزوی_کربلا #حسینیه_مدح
#یاحسین_عزیز_زهرا_دوتوب_عزتین_جهانی #ترکی

✍ #زبدةالاشعار ✍

:🆔:: @nohe_torki