زبانحال حضرت سید الشهدا (ع) هنگام وداع خطاب به خواهرش
.
.
✍️ #زبدةالاشعار ✍️
.
🆔: @nohe_torki
.
#سبک_سو_یوخومدی_قزلاروندان … 5 سبک
مشابه
.
مرحوم ذوقی تبریزی
.
دم هجردور وصالیم ، یتوب انتهایه زینب
گیدورم سیزی سپرده ، ایدورم خدایه زینب
.
.
منه زینبیم یقیندور سنه فرقتیم چتیندی
فلک ایمدی سنگ فرقت سالوری آرایه زینب
.
.
گوروم عالمین سولِیدی گُل و گلشنی سراسر
نه بهار اولیدی بیرده نه خزان نه باد صرصر
نه چکیدی خار الیندن ستم عندلیب مضطر
نه مصیبتیم یتیدی ، بیله انتهایه زینب
.
.
هله یتمیوب تمامه باجی باشیمون بلاسی
بو بلالی چولده چوخدور هله اشقیا جفاسی
بو جهان فنادی اولماز اولا بیر کسین بقاسی
اودی منده بو فنادن ، گیدورم بقایه زینب
.
.
نه وفا گوروب جهاندا بابامیز امیر بطحا
نه ایدوبدى استراحت آتامیز ولیّ یکتا
هانی قارداشون حسن گور هانی بس بتول عذرا
هانی اوصیا نه گلدی گیدن انبیایه زینب
.
.
هانی ماسَلف سلاطین هانی حشمت سلیمان
قالا قویمیوب اولاردان بیر اثر بو دور دوران
بو وفاسیدور جهانون باجی هر زمان و هر آن
گله لعنتِ الهی بیله بی وفایه زینب
.
.
بونی بول هامی یارانموش آنادان اولان زماندان
دولانور اجل دالینجا قدم عالمه قویاندان
ایلیوب خدا مقدر گیده جاق فنا جهاندان
یازیلوبدی مرگ هستی هامی مأسوایه زینب
.
.
سنه گرچه صعبدور چوخ منیم ایمدی بو وداعیم
ایده سن گرک تحمّل کیمه وار حیات دائم
گله جاق بو انتقامی آلاجاق امام قائم
نه که وار جهاندا ظالم یته جاق جزایه زینب
.
.
باجی رشتۀ علاقه ن دیمورم که قلبدن کس
باشیوا یغ اهل بیتی بالالار اوجاتماسون سس
حرمین أئشیتمه سون تا سینی بو قوم ناکس
نقدر وارام مبادا گله سوز نوایه زینب
.
.
بو بیر امردور یتوبدور منه حیّ لم یزلدن
باجی حق یولوندا ئولماق بیزه إرثدور ازلدن
او که خوف ایدر ئولومدن دگو مطمئن عملدن
گتوروب ئولوم خیالی منی کربلایه زینب
.
.
گیدورم شهید اولام من ، منه فخردور شهادت
تاپارام شهادتیله باجی سرمدی شرافت
بو شهادتیمده سنده ایده سن گرک شراکت
باشوی منیم باشیم تک سالاسان بلایه زینب
.
.
آلاسان صبادن عطرین باشیمون باجی مشامه
دوشه سن دالنجا بیر باش گله سن دیار شامه
گورہ سن جداده قرآن اوخورام خواص و عامه
ایله اهل کفره تفسیر اونی آیه آیه زینب
.
.
آدی بو بلالی دشتین بولوسن که کربلادی
بو بلالی چوخ محلِّ غم و درد و ابتلادی
منه خوابگه بو یردی که مطاف ماسوادی
منه ایلین تقرُّب ایلیوب خدایه زینب
.
.
سنه «ذوقیا» «مجیدون» سوزونی یتوردی «حیدر»
یازاسان وداعه نوحه اولا الده روز محشر
آناسین چوخ آغلادار یاز گنه مطلبی مکرَّر
دم هجر دور وصالیم ، یتوب أنتهایه زینب
.
.
#حسینیه_وداع #وداع
#دم_هجردور_وصالیم_یتوب_انتهایه_زینب
#ترکی
.
✍️ #زبدةالاشعار ✍️
.
🆔: @nohe_torki
نظر دهید