فرا رسیدن ماه محرم
.
.
.
حاج افشین بابک اردبیلی
.
باشلاندی گینه شاه شهیدانون عزاسی
ال باشدا گزور چوللری آواره آناسی
.
.
باتمیش غم و اندوهه بوتون ارض و سماوات
خالق بیله مخلوقه ایدور فخر و مباهات
ایتمیش بو حسینی هاميا قبلۀ حاجات
امر ایلیوب ایندی چکیله عرشه قراسی
.
.
واله دی فلکلر خم ابروی حسینه
الله ئوزی عاشقدی گل روی حسینه
ویرمیش گره ئوز عرشینی گیسوی حسینه
گویلرده قوروب دلبرینه ماتم اساسی
.
.
سسلور آناسی ای ئولن اللرده بالام وای
بیکس آناسین دردی سالان درده بالام وای
باش نیزه ده گل پیکری چوللرده بالام وای
بیر درده دوشوب غملی ننون یوخدی دواسی
.
.
مظلوم بالا جانیم یارالی جانیوه قربان
سینونده یاتان طفل لب عطشانیوه قربان
اندوه و بلاده لب خندانیوه قربان
الله نه چوخیمیش بو چولون درد و بلاسی
.
.
اللرده ئولن اکبرِ دلداریوه قربان
زینب کیمی غمدن قوجالان یاریوه قربان
نهر اوسته یاتان قولسوز علمداریوه قربان
شرمنده یاتوبدی بویانوب قانه لواسی
.
.
اوخ یاره وی توپراق بوریوب مرهمه بنذر
گل صورتیوه قانون آخوب شبنمه بنذر
سینون عرفه یاره لرون زمزمه بنذر
ای کعبه نی حیرتده قویان کرب و بلاسی
.
.
گوردوم یارالی جسمیوی جان جان داغیلوبدی
گلشن پوزولوب لاله نعمان داغیلوبدی
جسمون ایله بیل مقتله قرآن داغیلوبدی
سینونده سایلموردی اوغول نیزه یاراسی
.
ای شاه لب عطشان گل ئوزون بزم عزایه
دعوت ایله بو جمعی آقا خاک شفایه
(بابک) گله ایکاش بو ایل کرب و بلایه
زوار اولا بو هیئتیلن چوخدی صفاسی
.
.
.
#ورود_محرم
#باشلاندی_گینه_شاه_شهیدانون_عزاسی
#بابک_اردبیلی
#ترکی
#زبدةالاشعار
نظر دهید