دوتدی فغان و شیون و غوغا خرابه نی #خرابه_شام #عبداله_اصلی

خرابه شام
.

#زبدةالاشعار
.
: @nohe_torki
.
حاج عبدالله اصلی
.
دوتدی فغان و شیون و غوغا خرابه نی
مسکن ایدئده عترت طاها خرابه نی
.
یاللعجب اوتانمادی بو چرخ کجمدار
زین العباد ایلدی مأوا خرابه نی
.
مهر و مهین شعاعینه علت اولان وجود
شام سیه ده ایلدی سُکنا خرابه نی
.
انوار صاطع اولدی گویه تیره شامیده
شانینده غبطه ایتدی ثریّا خرابه نی
.
مینلر بهشتیدن سچه هر کیمسه کوریدور
ایتمز عوض بهشتیله بینا خرابه نی
.
هر چارہ سیز مریضه بیری ایستسه علاج
بیر بیر نشان ویرلّه اطبا خرابه نی
.
دار الشّفا تانور او یری تک نه شیعه لر
درمان بولَـلَّه گبر و نصارا خرابه نی
.
احیای نفس ایدن نفسه ایتمز افتخا
سیرینده منزل ایلسه عیسی خرابه نی
.
زنّار گردنیندن آچوب ایلیر قبول
اسلامی گورسه اهل کلیسا خرابه نی
.
موسایه طور اولوبدی اگر جلوه گاه عشق
سجاد ایدوبدی سینۀ سینا خرابه نی
.
بیر جلوۀ نگاریله ضعف ایتمیوب ایدوب
مینلر کلیمه طور تجلی خرابه نی
.
تکبیر باشلینده او شب زنده دار عشق
خیل ملک ایدردی مصلّی خرابه نی
.
صف صف دوراردی پشت سرینده مقرّبین
هو حق سسی دوتاردی سراپا خرابه نی
.
قد قامت الصّلاة دینده خضوعیله
ایلردی رشک مسجدالاقصا خرابه نی
.
الله اکبرین ایشیدن اکبر آختاروب
یحیایه ایتدی بیت غم افزا خرابه نی
.
سویلردی هارداسان آنان ئولسون اوغول على
حسرت سرشگیم ایلدی دریا خرابه نی
.
گزدیم دالونجا چوللری ویردی فلک مکان
آخر نشیمن ایلیه لیلا خرابه نی
.
آلدى سسین رقیه نوائیله دولدوروب
اکبر آدیله مرغ خوش آوا خرابه نی
.
سویلردی رنجه قیل قدم ای شهریار حسن
ائت نور حسنویله مصفّا خرابه نی
.
بیر ده گوروم او قامت رعنانی ئولمه میش
رشک ایلسون بهشتیده طوبا خرابه نی
.
فخریه شامیانه سنی بیر نشان ویریم
ایلوم حدیث عشقیده معنا خرابه نی
.
بولسونله وار نه عزت و شأنی بو منزلون
دوتسونلا چوخ مقامیده والا خرابه نی
.
خاک قدومیوی ایده لر طوطیای چشم
طوف ایلینده اهل تولّی خرابه نی
.
افسوس اولا یتیشمدی کامه اجل گلوب
ترک ایلیوب او بلبل شیدا خرابه نی
.
اسدی گینه او گلشنه بیر تازه باد غم
هجرینده اودلادی او دل آرا خرابه نی
.
آلدی کنارینی او قیزین دل شکسته لر
بزم غم ایتدی زینب کبری خرابه نی
.
هر بلبل اوز دلیجه اونا اوخشاما دیدی
آشفته ایتدی زلف چلیپا خرابه نی
.
سیندی قوروق اویاندی یاتانلار سیزیلتیه
قصد ایلیوبله پیریله برنا خرابه نی
.
کاخ یزیدی یخدی او ناله او اوخشاما
آباد ائدوب همیشه لیق اما خرابه نی
.
هر قدر شرح اولونسا بلا قورتولان دگول
بسدور قلم دایان داخی بازما خرابه نی
.
« اصلی» سوروشسا قبریده مأموریلر اگر
جناتی ایستوسن اوزیوه یا خرابه نی
.
عرض ایت خرابه خوشدى یقین بلبل غمه
گلزار ایدوبدی چون گل زهرا خرابه نی
.
بیر یول بو شعری یازدیم ایتیردیم دوباره دن
امر ائتدی اهل دل ایدم املا خرابه نی
.
.
#دوتدی_فغان_و_شیون_و_غوغا_خرابه_نی
#ترکی
.

#زبدةالاشعار
.
: @nohe_torki