زبدةالاشعار

بستروندن باش گوتور خلقه مولا یاعلى #حیدریه_تائب_تبریزی

شب 21 رمضان
.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
بستروندن باش گوتور خلقه مولا یاعلى
آجلارا الده آپار نان و خرما یا على
یا علیّ یا علی
یا علیّ یا على
.
.
ایمدی آجلیق چوخلاری تاب وطاقتدن سالوب
هر آنانین بیر نچه آج بالا دورین آلوب
سویلوری امّیدیمیز بو گجه هاردا قالوب
ناله ایلور هم آنا هم یتاما یا علی
.
.
سن یِتَردون هرگجه بینوالر دادینه
بی نوالر دادینه بی رجالر دادینه
بی کس و درمانده لر بی دوالر دادینه
قالدیلار درمانده لر بی مداوا یا علی
.
.
سن گیدوب باشسیزلارا باش چکردون هر گجه
چوخ آدامسیز انسانی یاد ایدردون هر گجه
چوخ مریضین دیدینه سن گیدردون هر گجه
بو گیجه یول گوزلوری زشت و زیبا یا علی
.
.
فکر ایدوللر اونلاری سن گوزوندن آتمیسان
یا گوگل آلماقلارین خواب نازه ساتمیسان
لیک بیلمزلر دوشوب سن یارالی یاتمیسان
سنده وار زخم سر تاب فرسا یا علی
.
.
سن یگانه رهبر عالم اسلامیدون
چارۀ بیچارگان هر بلایه رامیدون
هم اَرامِل ملجائی هم أبوالاَیتامیدون
كیم اولاره باش چکر ایمدی مولا یا علی
.
.
اوز آناسین هر یتیم ایلوری ایمدی ندا
مشكله دوشدوق قالوب هاردا بس مشگل گشا
چوخ یوباندی گلمدی وار باشندا نه بلا
بیر باشندا ای اولان مین بلایا یا علی
.
.
ای یارالی یاتما دور همت ایتماق وقتیدور
وقت احسانون گچور ایمدی گتماق وقتیدور
سفرۀ احسانیله داده یتماق وقتیدور
هر گئجَن تک بو گجه قیل تقلّا یا علی
.
.
زاغه لرده بوگجه وار أسفلی منظره
هم دگوب زاغه نشین آج یاتانلار بیر بیره
بانگ واغوثا گیدر یردن عرش داوره
ای گل آدی زینت عرش اعلا یا علی
.
.
ای آلان دل لر غمین غم توکن غمخانه ده
ای صفاسی یر سالان هر دل ویرانه ده
ای عیادت ایلین ناخوشی ویرانه ده
گوزلوری ایمدی یولون پیر اعما یا علی
.
.
گتمیوبسن دیدینه ناگران دور ناگران
یوخ عیادت ایلین باغریقاندور باغریقان
ضعف حالیله دوشوب ناتواندور ناتوان
گیت باشی اوسته دوا ایله اعطا یا علی
.
.
رسم عالمدور اولان غملی غمخوار آختارار
اهل دل بیر درد آلان یار دلدار آختارار
ایمدی بی کسلر سنی دیده خونبار آختارار
لیک بیلمزلر که وار نه قضایا یا علی
.
.
ای مروّت ثبت اولان بامروت آدیوه
دشمنون ده حالینی سن سالاردون یادیوه
سن اوسان رحم ایلدون قان توكن جلّادیوه
قاتله ویردون نشان خوش مدارا یاعلی
.
.
سن دیدون بو رحم دل خوش سیاقیمدور منیم
هم مروّت دلده کی اشتیاقیمدور منیم
هر نه اولسا قاتلیم أوز قوناقیمدور منیم
خصمی دوتدون محترم رحمه دریا یاعلی
.
.
من نه یول سیر ایتمیشم دوز مسیروزدور سیزون
قاتله رحم ایلیون چون اسیروزدور سیزون
اینجیدوب قورخوتمیون دستگیروزدور سیزون
بسدی رحم قلبوه بیر بو ایما یا علی
.
.
سن او قانلو قاتله رحم قیلدون بر ملا
قورخودوب اینجتماقین بیلمدون هرگز روا
بس دگلدی زینبون دستگیر اشقیا
ووردیلار اینجبیتدیلر قوم اعدا یا علی
.
.
داد او دمدن زینبین مقتله دوشدی یولی
قارداشیم ایوای دیدی گزدی صاقیله صولی
گوردی قارداش پیکرین زخم کینیله دولی
آغلادی زهرا کیمی دخت زهرا یا علی
.
.
روح آزاد آغلادی ظلم استبدادیله
باسدی نعشین باغرینا خاطر ناشادیله
صیحه چکدی اوخشادی ناله و فریادیله
زینبه ویردی صدا کوه و صحرا یا علی
.
.
تائیم مولا رَهِ حقده نخجیر اولموشام
آستانوزدا قویوب عمریمی پیر اولموشام
اوز وفاتوندور ولی بیر زمین گیر اولموشام
آل شفا ویر مدحوی ایلوم انشا یا علی
.
.
.
#حیدریه_تائب_تبریزی
#حیدریه_شهادت
#بستروندن_باش_گوتور_خلقه_مولا_یاعلى
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  چوخ چتین اولدی دیار کوفه هرآن مسلمه #مسلمیه_غمکش

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی