زبدةالاشعار

دورای وفالی قارداش یورقون یارالی قارداش #عباسیه_تائب_تبریزی

زبان حال امام معصوم (ع) در بالین برادر

.
✍️ #زبدةالاشعار ✍️
.
🆔: @nohe_torki
.
مرحوم تائب تبریزی
.
دورای وفالی قارداش
یورقون یارالی قارداش
یالقیز قالوب حسینون
ائلدن آرالی قارداش
آرخام ائلیم ابوالفضل
سندی بئلیم ابوالفضل
.
.
.
گلدیم اؤپم یوزوندن
بیر سوز آلام سوزوندن
قارداش کمک لیق ایله
تیری چکوم گوزوندن
.
.
اهل جفا بیللّر
اولموش قلم گُل اللر
قارداش من آغلینده
طعن ایلیوب گوللّر
.
.
دللرده چوخدی سوزلر
آغلار قالوبدی گوزلر
سوجامی الده عطشان
قزلار یولووی گوزلر
.
.
باشون کناره آلدیم
قلبه شراره سالدیم
دور مرد با کفایت
نامرد الینده قالدیم
.
.
جسمون سراسر اوخدى
ال پیکرینده یوخدی
بو اللرین حسینین
بوینوندا حقّی چوخدی
.
.
ای جاندا چوخ یاراسی
وار سانی یوخ یاراسی
تقوی گلی آچوبدور
آلنوندا اوخ یاراسی
.
.
بیر امتحان ویروبسن
كونه تکان ویروبسن
بیر باخماقا فراته
گوز ترجمان ویروبسن
.
.
اوخ یاغدی صاق صولوندان
سن چخمادون یولوندان
بیر مشگ سو یولوندا
گچدون ایکی قولوندان
.
.
دردون منه غم اولدی
صبر دلیم كم اولدی
دوشدون بیله ایاقدان
بو قامتیم خم اولدی
.
.
آچ بیر گوزون یارالی
سویله سوزون یارالی
توپراق لارا بونوعی
سورتمه یوزون یارالی
.
.
داغ آتدی بو دلیمده
یانّام آدون دلیمده
سندن الیم اوزولدی
قالدى الیم بلیمده
.
.
وصفون بیانه گلمز
سایدیقجا سانه گلمز
سن تک وفالی قارداش
بیرده جهانه گلمز
.
.
قزلار مرامه چاتماز
یاددان سنی چخماتماز
یاتدون یارالی قزلار
آسوده بیرده یاتماز
.
.
كامه عدو چاتالّار
وحشتلرین آتالّار
راحت یاتانمین لر
راحت اولوب یاتالّار
.
.
دورغم له سینه داغلا
اشگون عذاره باغلا
من اوخشیوم سن اوخشا
من آغلیوم سن آغلا
.
.
وردیمدی قارداش ایوای
وای یار و یولداش ایوای
وای قارداشیم دینده
سسللّه داغ داش ایوای
.
.
تائب بیر ایله همّت
بیر نامه قیل کتابت
عبّاس دعوت ایتسون
گیت قبرین ایت زیارت
.
.
.
.
.
#عباسیه_تائب_تبریزی
#عباسیه_شهادت
#دور_ای_وفالی_قارداش_یورقون_یارالی_قارداش
#ترکی

متن پیشنهادی:  نه دوشومده سود وار نه سویا گمانیم #سعدی_زمان #اصغریه

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی