اربعین
.
✍️ زبدة الاشعار ✍️
.
?: @nohe_torki
.
مرحوم غلامعلی باقری الهامی ( هوشی تبریزی)
.
دورحسینیم قبرون اوسته زینب نالان گلوب
شامیدن آزاد اولوبدوردلده مین افغان گلوب
.
.
عالم هجرونده من ای شهریارنیک خو
بیراوزون مدتدی ایلردیم وصالون آرزو
شکر لله قسمتیم اولدی بو قبر مشگبو
درک قیلدیم وصلی منظوریم اله الان گلوب
.
.
اوندا کی سن قانه غلطان اولدون ای سلطان دین
باشیوین آردینجه دوشدوم سایه تک من شامه دین
کوفه و شاماتی گزدیم دیده گریان دل غمین
باشیوون عشقی چکوبدورزینبی هریان گلوب
.
.
وارد اولدوم کوفیه بیر دیدۀ خونباریله
صحبته دل آچدیم اوردا مردم نظاریله
دللره اود ووردوم آخر نطق آتشباریله
ایله صحبت کوفیه گویا شه مردان گلوب
.
.
برهم ایتدیم نطقمیله کوفۀ ویرانه نی
ایلدیم اسراره آگه هردل فرزانه نی
ایلدی رسوای نطقیم زاده مرجانه نی
مجلسینده عاقبت غیظه اوبی ایمان گلوب
.
.
ظلمده طغیان او شوم کینه بنیاد ایلدی
خاطر پیغمبری جنتده نا شاد ایلدی
کینه سیندن قتلیمه احضار جلاد ایلدی
بو جسارتدن فغانه عالم امکان گلوب
.
.
سانمااول مجلسده من بیر ذرّه ایتدیم واهمه
یا که ترس ووحشت اوزویردی دل آگاهیمه
لیک قارداش قلبا اولدوم ملتجی اللهیمه
لطف حق هریرده اهل حقّه پشتیبان گلوب
.
.
منطقیمله ناقۀ کبر وغروری پیلدیم
گوردولرحضارمجلس من اوشومه نیندیم
چوخ وقاریله دوروب اول مجلسی ترک ایلدیم
بووقاره حشره تک تحسین بی پایان گلوب
.
.
تایتوردوم سرگذشت کوفه نی انجامه من
عازم اولدوم باشون آردینجه دیارشامه من
گتدیم اورداجبریله قول باغلی بزم عامه من
منله اول بزمه باشون ای ناطق قرآن گلوب
.
.
گوردون اول مجلسده من بیرنطق شایان ایلدیم
حقوی شام ایچره قارداش گون تک اعلان ایلدیم
زادۀ هندی ایله رسوای دوران ایلدیم
لعن حق اولشومه تا واردورۀ دوران گلوب
.
.
بیربیله جوروجفادن اولمادیم دل خسته من
ایلدیم امیدیمی پرورد گاره بسته من
قوزادیم شاماتیده سجادی منبر اوسته من
بولدی شام اهلی که شامه حجت یزدان گلوب
.
.
سن بولورسن نقدررنج و ریاضت چکمشم
هربلایه صبر ایدوب بیحد مصیبت چکمشم
گوشه ویرانه ده چوخ چوخ شماتت چکمشم
لیک عشقونده منه هردرد وغم آسان گلوب
.
.
اوندا که آتدان سنی یخدی یره اهل مَجاز
باشون اوسته آغلیام اشرارکین قیلموب مُجاز
ایمدی اما قبرین اوسته ایلماقه کشف راز
بیرگوزل فرصت اله ای خسروخوبان گلوب
.
.
تک نه من گلدوم بو دشته ایشه خونین جگر
قیدیدن آزاد اولوب اهل عیالین سربسر
جمله دل داغلی پریشان سینه سوزان دیده تر
منله قبرون اوسته بوبیرجمع سرگردان گلوب
.
.
ای اَسن باد مخالف صفحۀ گلزارینه
آچ گوزون باخ اهلبیتین دیده خونبارینه
شامیدن مین حسرتیله اکبرین دیدارینه
دیلده غم گوزیاشی گوزده لیلی نالان گلوب
.
.
ایلدی بوچولده دشمن اصغری محروم آب
رهسپا راولدی دیارشامه قول باغلی رباب
ایمدی گلموش شامیدن گوزده ولیکن اشگناب
تا گوره آیا دیله بیر اصغرعطشان گلوب
.
.
قانه غلطان اولدی زلف مشگ ساسی قاسیمین
گون اوگونده قالدی جسمینده یاراسی قاسیمین
شامیدن ایمدی ولی بیکس آناسی قاسمین
دلده آدی قبری اوسته قامتی چوگان گلوب
.
.
بیرشهیدین قبرینی بیرزار مغموم آختارور
رسمیدوربلبل گلی ای شاه مظلوم آختارور
قبر عباسی اودورحسرتله کلثوم آختارور
شامیدن کرب و بلایه وااخاگویان گلوب
.
.
اهل بیتون قبریوین اطرافین آلموش هاله تک
یاغدورولارگوزیاشی گول یوزلرینه ژاله تک
عالم هجرونده اماهربیری بیر لاله تک
ایلیوب مین داغ حسرت سینه ده پنهان گلوب
.
.
ای عزیز فاطمه وی شهریارکربلا
ای گوزل قبری اولان آفاقیده دارالشفا
واردل #هوشی ده دردی لطفیله ایله دوا
درگهوندن آلماقا اوزدردینه درمان گلوب
.
.
#سبک_زینبم_جان_اوستیم … 4 سبک
.
.
#اربعین
#دور_حسینیم_قبرون_اوسته_زینب_نالان_گلوب
#هوشی_تبریزی
#ترکی
.
✍️ #زبدةالاشعار ✍️
.
?: @nohe_torki
نظر دهید